青檸蜜糖美極骨

8號風球前的一天，接小朋友放學之前打算去街市買定啲嘢打風嘅時候煮，去到街市發現人多到好似做節咁。豬肉檔嘅豬肉已經所剩無己，只剩下排骨同埋飛排。馬上買來$50飛排，留返第日打風嘅時候煮。

飛排一般都是用炆或者蒸嘅方法嚟煮，8號風球得閑啲，試吓用半煎炸嘅方法嚟煮，估唔到效果非常理想！飛排半煎炸完質地依然好好，外脆內軟。

加埋青檸蜜糖去煮，甜甜酸酸非常開胃！大家經過豬肉檔買到飛排嘅話，就不妨試吓整啦。