去韓國旅行最喜歡食佢哋嘅炆燉菜式，帶水果甜甜嘅味道，中和咗肉類嘅油膩，加上醬汁炆燉，熱鍋上菜，喺冬天食暖笠笠好正！幾日前喺街市買嚟好靚嘅西班牙豬肋骨，加上韓國水泥同埋韓國醬汁去煮，小朋友連汁都撈埋😆
材料：韓國水梨半個、西班牙豬肋骨一條、甘筍一條、洋蔥一個、蒜頭六至八粒（拍扁）、蔥花少許
醬汁材料：牛肋骨醬汁大半瓶、水150 毫升、生抽少許、料理一湯匙
步驟：
西班牙豬肋骨可請舖頭代勞切開一條條，解凍後洗乾淨，以跑活水的方式處理然後抹乾，用少許鹽醃最少兩小時
甘筍滾狀切件、¼個水梨也切件，大細與甘筍相若、半個洋蔥切件、另外半個洋蔥切圈
在鑊中加入適量的油，把豬肋骨四面煎香，然後取出豬肋骨
在同一個鍋中爆香洋蔥蒜頭，加入甘筍及切了粒粒的水梨爆香
加入豬肋骨炒一會兒，注入料理酒一湯匙煮一會兒後，加入水梨蓉及其他醬汁材料煮滾後試味
豬肋骨用小火炆煮大約1小時左右，打開轉大火，然後加入洋蔥圈及蔥花即成