泰式冬蔭公湯通常都係用大頭蝦來煮，因為大頭蝦又多膏又香❤️今日經過街市，見到波士頓龍蝦好新鮮，於是就決定用龍蝦煲一次冬蔭公，試下會唔會好味d，結果係用龍蝦殼加入雞湯底，可以令到湯底更鮮更濃，但膏的確係比大頭蝦冬蔭公少d,如果大家驚肥同膽固醇高，用龍蝦煮冬蔭都係一個好好的選擇呀！
材料：肥辣椒10隻、紅蔥頭5粒、蒜頭5瓣、檸檬葉適量、意大利莞茜少許、香茅6支、南薑3片、莞茜腳6隻、蕃茄仔20個、魷魚、龍蝦一隻、茶樹菇及草菇適量、青檸一個
步驟：
- 雞殼跑活水處理後洗淨
- 肥辣椒以火槍燒香，以白鑊方式把蒜頭紅蔥頭炒香，炒香後盛起肥辣椒
- 放進雞殻、香茅、莞茜腳及南薑，加水以細火煲2小時成湯底
- 加入另一份香草在煲好的湯底（包括南薑、香茅、莞茜腳）蕃茄仔切半加入湯底煲起（煲一陣壓爛蕃茄仔)拎走香草材料
- 龍蝦切半，取出蝦肉及膏
- 蝦殼以白鑊燒香後，加入湯中煮10分鐘後取出
- 加入龍蝦肉及膏煮熟，把燒香了的肥辣加入略煮再盛起，加入椰糖、魚露、青檸汁及鹽試味
- 碗中放入意大利莞茜、檸檬葉、莞茜、龍蝦，把熱湯放進碗即成