疫情前好鍾意同朋友去食鐵板燒，睇住廚師喺面前將新鮮嘅食材煮好，然後熱辣辣送到我哋嘅面前，非常好味！鐵板燒嘅靈魂係鐵板燒汁，睇落去好似豉油嘅鐵板燒汁，其實蘊含着好多唔同嘅味道。
最近認識咗一位喺鐵板燒餐廳師傅，問佢一啲秘訣，佢就話俾我聽要用好多唔同嘅香料同埋材料，先可以做到咁香濃美味但係睇落去普通嘅鐵板燒汁！雖然佢冇公開份量俾我，依照一般做醬汁嘅做法，我自己試吓試吓，整咗呢個鐵板燒汁出嚟，當然冇鐵板燒餐廳百分百咁好味，但係我覺得都有九成似㗎！大家快啲試吓做，唔食鐵板燒用來做乜嘢？可以用來炒菜、炒肉一樣好味！
今次就用佢嚟試返炒金不換田雞！
1. 把整支二鍋頭放進煲中，加熱煮滾後轉小火，煮10分鐘
3. 把蓋稍為揭開（留返條罅），醬汁放一個晚上（等佢沉澱）
4. 第二朝把所有香草過濾即成鐵板燒汁
材料：田雞三隻、金不換葉150克、蒜頭三粒（拍扁）
田雞醃料：豉油2茶匙、糖少許、蠔油½茶匙、麻油少許
醬汁：鐵板燒汁兩湯匙、水兩湯匙
1. 田雞買回來後洗乾淨斬件，以醃料醃最少15分鐘
2. 金不換葉洗乾淨
3. 炒鍋加入油燒滾後放進三粒蒜頭，把田雞放進炒香至9成熟
5. 打開鑊蓋放入金不換葉，炒勻即可