細佬對煮食嘅興趣日益濃厚，不過繼續都係鍾意煮西餐！上星期喺台灣返嚟之後忙着出貨，冇時間煮飯，細佬於是拍晒心口咁同我講：「晚餐就等我嚟啦！」，仲話要整新鮮嘅龍蝦包，自已去買材料，然後自己整。平時佢睇好多YouTube同埋食譜，然後就改良一下做出自己喜歡嘅味道。今次龍蝦包嘅醬汁加咗奶粉，帶有淡淡嘅奶香味，步驟嚟講唔算複雜，加上用新鮮嘅龍蝦去做非常鮮味，喜歡食龍蝦嘅朋友仔不妨試吓整啦。
材料：新鮮龍蝦一隻、排包一包、
醬汁材料：無鹽牛油40克（室溫放軟然後切細粒）、大約一湯匙全脂奶粉、½湯匙檸檬汁、少許檸檬皮（切絲）110克沙律醬
其他：芫荽及蔥花少許（裝飾用，可省）
步驟：
新鮮龍蝦買回來後洗乾淨，用筷子放血，然後放在滾水中煮15分鐘後盛起放在冰水中，放涼後把龍蝦肉取出然後切大粒
2. 30克無鹽牛油放在平底鑊中加熱，然後調校最細火，把奶粉慢慢放進，直至成奶油啡色
3. 把剩餘10克的無鹽牛油放在洗乾淨的平底鑊中，煎香龍蝦粒直至香氣四溢
4. 把龍蝦粒、煮好了的奶油啡色，無鹽牛油、沙律醬、檸檬汁、檸檬皮及少許鹽在碗中攪拌勻循，試味至合適
5. 排包切開，兩邊塗上牛油，然後煎香
