今日有點事做，叫姐姐幫手去街市買餸，佢就買嚟咗兩隻紅花蟹、一啲豬肉同埋一啲芹菜芫荽咁，回家嘅時候就用呢啲材料炮製一道菜色。
加入左泰式魚露添加左鹹香嘅味道好好味！新鮮嘅紅花蟹，蟹味鮮甜！不錯！不錯！
材料：紅花蟹兩隻（大約半斤）、梅頭豬肉$20（切碎）、芹菜莖部（切粒）、芫荽莖部（切粒）、蒜頭兩粒（切粒）、紅蔥頭一粒（切粒）、細泰國粉絲一個（浸軟）
調味：魚露一茶匙、蠔油一茶匙、生抽少許、糖少許，水200 ml、老抽少許
其他：青檸一個、炒米粉適量（可省）
步驟
1. 紅花蟹洗淨，肚向上蒸13分鐘，拆肉後備用，留蟹蓋備用
2. 在炒鍋中加入適量的油，先爆香蒜頭及紅蔥頭，再加入梅頭豬肉炒香至九成熟
3. 加入紅花蟹肉、粉絲及芹菜莖炒勻，加入調味料，蓋上蓋子煮大約8至10分鐘，最後加入芫荽莖部即可
4. 吃時拌以青檸汁及炒米粉、味道更佳