話說我第一個工人姐姐姐姐是印尼人，煮嘢食都好叻！嗰陣時啲小朋友仲好細，所以煮食通常交俾姐姐去處理。而佢整過咁多樣嘢入面，最好味嘅就係巴東牛肉！嗰陣時冇好認真咁跟佢學，但臨走之前叫佢寫低咗食譜俾我，最近比較得閒終於跟住做，味道比起用現成嘅巴東牛肉醬好味好多多多多多多多多！再加上用新鮮鮑魚腩牛肉，炆得耐都唔會融！正到癲！
當然自製巴東牛肉需要好多香料同配料，係好麻煩嘅！但係食到咁美味既牛肉，煩d都抵啦！至於香料可以喺九龍城城南道一間香料店買得晒，要食好嘢都係唔懶得啦！
主材料：牛腩2斤（我用鮑魚腩），切成大件
香料材料(需攪碎）：石栗45g、白胡椒粒1.5茶匙、芫荽籽1茶匙、蒜頭60g、薑20g、豆蔻1粒、紅蔥頭70g、沙薑60g、乾指天椒2隻（浸軟去籽）、新鮮指天椒（大隻）一隻（去籽）
香料材料（不需要攪碎）：八角2粒、丁香4粒、檸檬葉6片、月桂葉6片、肉桂1條（細）、黃薑粉2茶匙、香茅4條（拍扁，切大段）、沙林葉2塊、油150g
調味料： 椰奶800ml、ABC甜豉油100g、椰糖兩茶匙、鹽兩茶匙
步驟
1. 把所有材料洗乾淨，需要去皮的香料先去皮，全部需要抹乾備用
2. 把牛腩放在室溫水中，以跑活水的形式處理後洗乾淨
3. 乾辣椒先浸軟，後切段、大隻紅辣椒去籽後也切段、香茅略拍後切大段
4. 需要攪碎的香草材料（白胡椒粒、芫荽籽、豆蔻)以攪拌機攪碎/或以石盅盅碎
5. 再加入石栗以攪拌機均勻攪碎/或以石盅盅碎
6. 加入其他需要攪碎的材料（紅蔥頭、蒜頭、薑、沙薑、辣椒、乾辣椒）均勻攪碎（如沒有攪拌機的話，需要先把以上材料用砧板切碎，再用石盅盅碎）
7. 在鍋中加入油，爆香所有以攪拌的香草材料及不需要攪拌的香草材料（我用的是小美，所以直接把油放進小美中， 以100度15分鐘及0.5度爆香材料），加入椰奶及其他調味料，以中火煮滾，再用小火炆約1小時-個半小時
8. 如果想慳一點時間，則使用高速鍋，只需要40分鐘就可以
9. 完成後的巴東牛肉，應該有一層清澈的油在牛肉及汁的表面，把清澈的油倒去就可以享受美味的牛肉了！
