焗爐版叉燒

叉燒斬大嚿叉燒！由細到大都好鍾意食叉燒，細細個住喺舊區，街坊鄰里非常之熟悉，屋企樓下就有一間燒臘舖。嗰陣時同燒臘舖嘅斬叉燒叔叔好熟，每次佢都比最靚嘅叉燒我！而最好味嘅呢一定係第一刀既叉燒，肥肉爽口但不肥膩，但係唔係成日都買得到，要預早幾日同佢講留返先有。

後來燒臘舖結業之後，想食到最美味嘅叉燒就唯有自己整啦！要整到靚叉燒當然要買到靚嘅豬肉，要買到第一刀有兩個方法，一係你就同豬肉檔好熟佢留返俾你，一係就晨早流流八點未夠去街市買🤣

今次用現成嘅叉燒醬去做第一刀叉燒，再加少少調味料，適合要返工忙碌嘅大家。