由細到大我嘅腸胃都比較敏感，食錯少少嘢就會肚痾，然後就會頭暈同埋發冷🥲前兩日食咗一個叉燒飯，然後覺得開始唔妥，中午去咗七八次洗手間，然後夜晚開始發冷。第二日好少少，但係仍然都有肚瀉嘅症狀。
到咗今日，病情好返啲啦，由於想休息多啲，所以去咗一田買壽司俾小朋友食，經過蔬果嘅位置，見到有好靚嘅茄子，立刻買來一個，準備午餐時候煮嚟食！
病咗嘅時候我嘅身體會自己話我知需要食啲乜嘢，後尾Google睇返原來茄子有止瀉嘅功用，咁就啱晒我啦！
用上清清地嘅汁煮方法，加埋少少薑蓉刺激食慾，清清地食一餐、又快又有益！
醬汁材料：日本醬油1.5湯匙、味醂三湯匙、料理酒兩湯匙、鰹魚汁三湯匙、清水100毫升、糖少許、昆布一小塊
其他：薑蓉少許、白芝麻（炒香）適量、蔥花少許
1. 茄子洗乾淨後先去掉頭尾，然後以刀鎅上淺痕（會容易啲入味）
4. 兩三分鐘後，將茄子略炒
6. 蓋上蓋子煮大約3至5分鐘，直至茄子變林
