日式柚子蜜醬燒骨

話說有一款柚子蜜幾年前有朋友推介俾我覺得好好味，之後間唔中都有買來飲。已經有一段時間冇飲，點知經過樂富買材料嘅時候見到佢開咗pop up store 又買來兩樽飲下。

前幾天買來新鮮嘅黑毛豬一字骨，本身打算用鎮江醋去炆煮，但係突然又想食啲果味重嘅食物，於是偶發其想，如果用呢一款柚子蜜去做嘅話應該幾好味！事實證明用柚子蜜來做一字骨，令到一字骨更加容易林，柚子蜜甜甜酸酸嘅味道入咗去一字骨入面，小朋友爭住食。