今次10號颱風樺加沙真係好厲害，喺屋企都聽到嘭嘭聲嘅風，而啲雨就好似瀑布咁樣一浸一浸打落個窗嗰度，真係超級恐怖！
由於知道呢個風會打幾日，所以一早已經安排咗呢兩日準備爸爸想食嘅佛跳牆。
話說，上次同佢去飲茶嘅時候，佢古古惑惑咁問我：「阿女你知唔知道香港邊度食？佛跳牆好食呀？我好想去試吓好食嘅佛跳牆。」我心諗：「自己整嘅佛跳牆一定最啱口味同埋最足料啦。」仲記得之前收到過一本用手寫嘅食譜，入邊記錄咗佛跳牆嘅材料，同埋大約嘅做法，今次我就簡化佢，做一個屋企都做得到嘅佛跳牆。
呢度菜式其實唔難整，係需要一啲時間、需要一啲心機同埋一啲耐性。嚟緊中秋節，大家不妨早少少預備，整個佛跳牆俾屋企人食，佢哋一定好開心❤️
清雞湯底材料：老雞一隻、南非鮑魚一斤、瑤柱兩至三粒、蒲魚翅1塊
佛跳牆材料（六人份量）；瑤柱六粒、花菇六隻、南非鮑魚六隻、金華火腿60克、瘦肉八両（切成六份）、雞腳六隻、素翅適量、已浸發海參兩條（我用60頭size比較大，如果用細size嘅朋友仔可以每一個燉盅加一條）、已浸法花膠三條（我用25至30頭花膠，如花膠太細，可以每個燉盅放一條）
步驟（製作清雞湯底）
1. 老雞買回來後起皮去腳洗乾淨斬大件、放在鍋中進行跑活水的程序，南非鮑魚洗乾淨起肉，蒲魚翅放滾水煮3分鐘出水
2.把所有材料放在高壓煲中，加入4公升熱水，以高壓模式煮1小時，然後對其自動排汽，完成後的雞湯取出過濾備用（記得唔好按壓雞肉，否則湯底變成渾濁）
3. 把雞湯放涼放在冰格一個晚上，取出後去除雞油
海參浸發方法，可參考以下連結：
https://daphnema.kitchen/%e6%b5%b7%e5%8f%83%e7%99%bc%e5%a4%a7%e5%85%ab%e5%80%8d%e5%98%85%e7%a7%98%e8%a8%a3/
花膠浸發方法，可參考以下連結：
https://daphnema.kitchen/%E5%BF%83%E6%A9%9F%E8%8A%B1%E8%86%A0%E9%AE%91%E9%AD%9A%E9%BA%B5-%E9%99%84%E7%99%BC%E8%8A%B1%E8%86%A0%E6%AD%A5%E9%A9%9F/
佛跳牆準備步驟
雞腳剪去腳甲，瘦肉洗乾淨切開，把這兩款肉類放在室溫水中煮滾，進行跑活水，然後取出
2.瑤柱及冬菇浸軟、冬菇用生粉洗乾淨、金華火腿切粒（每粒大約15克），以上材料放在滾水中，煮大約1分鐘後取出
4. 素翅取出適量的份量，解凍後放在加入了一瓶蓋的花雕酒滾水中煮大約5分鐘後取出
5.海參及花膠切件
佛跳牆烹煮步驟
1. 把花菇、瑤柱、鮑魚、金華火腿、雞腳、瘦肉各一件放在燉盅內，注入清雞湯至七成滿，在每個燉盅入邊加入少許紹興酒，蓋上蓋子（我就用錫紙包住）先燉4小時
