食譜彙整 - Daphne 樂思廚

高鈣韓式牛骨湯

dralanlam — Wed, 01 Apr 2026 10:21:15 +0000

小朋友正值發育年齡，成日都好肚餓，夜晚仲食好多飯添！既然係咁就整一個有益高鈣嘅牛骨湯俾佢，有佢喜歡嘅牛腩，仲有白雪雪嘅湯，再加上一份愛心，希望佢鍾意食。

傳統嘅韓式牛骨湯，需要用中慢火慢慢去熬製，現代版用高壓煲再加攪拌機，省去不少時間，當然我相信用傳統方法煮味道更加好，不過省時呢個方法去做味道亦都非常唔錯！

材料：新鮮牛骨四大件（最好買包含骨髓的）、新鮮牛腩一斤、日本大根一條、水6公升、京蔥兩根（切片）、洋蔥兩個（一開四）、蔥花適量、韓國粉絲少許（用水浸軟）

調味料：韓國魚露少許、鹽適量

步驟
1.大骨及新鮮牛腩分別用水浸1小時，每15至20分鐘換一次水

2.直到水中沒有血紅色

3.把牛骨及新鮮牛腩放在室溫水中煮滾，過程中會有一些白色的泡沫，這就是牛骨及牛腩裏邊的雜質，水微微滾起後取出牛骨及牛腩，洗乾淨備用

4.把牛骨放在高壓鍋中，加入4公升的水，先炆煮1小時15分鐘，然後取出牛骨及煲湯湯放在湯煲中
5.把牛腩放在剛才的高壓鍋中，加入兩至3公升的水，6.把牛腩炆煮23分鐘，然後取出牛腩和湯
7.把牛腩的湯也放在同一個湯煲中
在湯煲中加入已切件的洋蔥及一條已切片的京蔥，以中慢火煲40分鐘

8.把洋蔥及蔥取出，把高湯放在攪拌機中，以高速攪拌20秒，湯瞬間變成白色
9.把煮好的煲湯過濾後放在食物盒中，放在雪櫃一晚，翌日取出除去面層的油脂（這個步驟非常重要！一定一定要做哦，因為牛骨有很多油份很肥很肥的！）

10.把高湯回鍋，加入切件了的日本大根及牛腩，以中慢火再煲30分鐘，直至日本大根變林（間中測量牛腩的硬度，直至喜歡的硬度就取出）
11.取出日本大根，加入韓國粉絲煮林，然後加入適量的調味料調味
12.把日本大根及牛腩件放回，然後灑上蔥花及大蔥片即可

有湯、有肉、又鮮味！好味好味

這篇文章高鈣韓式牛骨湯最早出現於 Daphne 樂思廚。

脆卜卜芙蓉蛋

dralanlam — Wed, 25 Mar 2026 14:50:04 +0000

蛋類嘅料理可以話係屋企不可或缺嘅料理之一，雞蛋可塑性非常高：用嚟蒸水蛋香滑好味、簡簡單單煎太陽蛋香脆可口、用嚟炒飯加添炒飯嘅香氣、用嚟整黃咖喱炒蟹除咗淡淡嘅蛋味加落醬汁之外，仲可以令到醬汁變杰，加上不同嘅材料，雞蛋嘅料理真係千變萬化！今日就同大家介紹一下清雪櫃非常好嘅一款脆卜卜芙蓉蛋。

加入咗叉燒、銀芽、韭黃同埋鮮蝦粒嘅芙蓉蛋外脆內軟，加上非常容易做又好送飯，忙嘅時候可以參考吓整呢樣啦。

材料：雞蛋三隻、叉燒絲適量、銀芽少許、韭黃少許（切段）、蝦仁8至10隻（我今日就用比較大嘅海蝦，大約五至六隻）、洋蔥¼個（切絲）

調味料：鹽1/4茶匙、胡椒粉少許、生粉水（一茶匙生粉水一茶匙）

今次用新鮮自家製嘅叉燒

步驟：
1. 銀芽洗乾淨後放在滾水中灼30秒，如果用急凍蝦仁嘅話，亦都將蝦仁解凍去除腸裝，放在同一鍋滾水中灼30秒，取出備用

2.在鑊中加入適量的油，首先爆香洋蔥絲然後取出

3.打發三隻雞蛋，把所有材料及調味料加進攪拌勻循

4.鑊子燒熱後把所有材料放進，用中小火先煎香一邊

5.然後反轉再用中小火煎香另外一邊即可，6.大家亦都可以按照喜好加入青蔥段效果更香

這篇文章脆卜卜芙蓉蛋最早出現於 Daphne 樂思廚。

港式羅宋湯

dralanlam — Tue, 24 Mar 2026 14:27:21 +0000

每次去茶餐廳食午餐，都會有兩款湯可以揀：羅宋湯同埋忌廉湯，每一次都會選羅宋湯，因為感覺好似健康一啲！多啲菜，又冇忌廉湯咁飽肚。茶餐廳嘅羅宋湯一向比較辣，屋企有老人家同小朋友食飯，自己整可以control羅宋湯嘅酸辣度，鍾意酸啲可以加多啲茄膏、鍾意辣啲可以加多啲指天椒，悉隨尊便，羅宋湯就咁飲又得、用嚟整通粉都可以，一家大細都喜歡，有菜又有肉

材料：牛腩半斤、椰菜一個、甘筍一條（今日唔記得咗買冇落到）、蕃茄六個、茄膏五湯匙、指天椒兩條（今日走辣冇落到）、西芹兩至三條、蒜頭四至五粒，水2公升、香葉6塊、青檸兩個（取汁用）

步驟：
1.牛腩買回來後洗乾淨，以跑污水的方式煮滾，然後洗乾淨，切件備用
2.洋蔥、甘筍、蕃茄及西芹全部去皮切粒
在鍋中加入適量的油，先爆香牛腩

3. 加入洋蔥及蒜頭在側邊爆香，然後加入甘筍、指天
椒及西芹爆香後加入茄膏略炒

4.加入2公升的水煮滾後，加入香葉，蓋上蓋子以中小火煮1小時15分鐘，打開蓋子，再用大火煮10分鐘
加入適量鹽、青檸汁、糖及黑胡椒調味即可

這篇文章港式羅宋湯最早出現於 Daphne 樂思廚。

炙燒左口魚裙邊釜飯

dralanlam — Sun, 22 Mar 2026 12:47:48 +0000

前排買到幾包左口魚裙邊刺身，又買咗一個新嘅日本製陶鍋，加上工人姐姐放假！就做一個一鑊熟嘅飯，有餸又有飯，非常方便。

用陶鍋同日本珍珠米整嘅釜飯粒粒分明，加咗鰹魚湯煮出嚟嘅飯，帶有陣陣清香，然後用火槍燒過嘅左口魚魚油豐盈美味！

材料：左口魚裙邊刺身適量（我鍾意好多，所以落咗兩包）、珍珠米一杯、三文魚子適量

鰹魚湯：鰹魚湯包一個、水500毫升、昆布一至兩塊

左口魚裙邊醃料：日本豉油45毫升、味醂90毫升、清酒125毫升

步驟
1. 左口魚刺身，解凍後略洗乾淨抹乾，放在左口魚醃料中醃最少1小時

2.珍珠米洗乾淨後以清水浸15分鐘
鰹魚湯煮滾後以中小火煮15分鐘

3.在土鍋中加入已浸好的珍珠米，注入200毫升的鰹魚湯

4.蓋上中蓋子，以中火加熱直至冒煙，然後蓋上外面的蓋子以中小火煮10分鐘，然後焗10分鐘

5.把左口魚刺身放在煮好的飯上，用火槍炙燒

6.喜歡多一點左口魚的話可以先燒一層、然後上另外一層左口魚再燒多一次

7. 完成後把三文魚子及蔥花加進

8.喜歡多一點醬汁的話，可以把鰹魚湯放在小鍋中，加入少許生抽、糖及生粉水煮至喜歡的杰度
均勻地淋在左口魚裙邊上就可以

這篇文章炙燒左口魚裙邊釜飯最早出現於 Daphne 樂思廚。

蕃茄醬漢堡扒

dralanlam — Fri, 13 Mar 2026 09:42:03 +0000

呢一個係為自己寫嘅食譜，為咗記錄低呢個好好味嘅漢堡扒整法，等自己再想煮嘅時候容易搵得到嘅食譜

話說屋企嘅小朋友好鍾意食漢堡扒，喺市面買嘅漢堡扒，唔知用乜嘢牛肉，通常又係急凍嘅感覺唔係好新鮮，所以就自己整啦！自己整嘅漢堡扒可以選擇用嘅材料，即日整即日食，鮮嫩多汁

漢堡扒材料：免治牛肉100-220克、免治豬肉200至220克、洋蔥半個、雞蛋一隻、麵包糠三湯匙、牛奶兩湯匙

漢堡扒調味料：紅椒粉1/3茶匙、鹽1/4茶匙、黑椒碎少許、無添加菇粉少許

醬汁材料：蕃茄兩個（1.5個切粒、半個切薄片）、蔥頭兩粒（切粒）、茄汁兩湯匙、水200毫升、喼汁適量、糖適量、紅椒粉1/3茶匙、生粉水少許

其他（可省）：車厘茄幾個（切粒）、淡奶少許、芝士碎適量

步驟（漢堡扒）
1. 洋蔥以少許油用慢火爆香直至軟身，放涼備用

2.大碗中放入所有漢堡扒材料及漢堡扒調味，順時針方向攪勻及混合，直至有黏性

看得到黏性嗎？

3.然後平均把漢堡扒分成六至七件（100克一件左右）
兩隻手帶上手套，取出漢堡扒，然後左右手交替撻最少20次，把漢堡扒造成橢圓形，放在已鋪上保鮮紙的碟上

4.在漢堡扒的中間弄一個小洞（令到漢堡扒比較容易熟）
5.把弄好的漢堡扒放在冰格雪最少15分鐘

步驟（醬汁製作）
1.在鍋中加入少許油，爆香紅蔥頭，然後加入蕃茄粒爆香，加水及調味料煮滾，蓋上蓋子以慢火煮五至6分鐘，然後試味
2.加入蕃茄片，再煮2至3分鐘
3.然後加入適量的生粉水，直至喜歡的稀杰度

漢堡扒組裝
1.在冰格取出漢堡扒，然後在平底鍋中加入適量的油，先以大火2分鐘煎香漢堡扒一邊，然後轉另外一邊以大火再煎香2分鐘
2.蓋上蓋子，以中慢火再煎5分鐘

3.在小碗中加入蕃茄醬醬汁，然後放進漢堡扒，最後加入芝士
4.放在氣炸鍋中以200度焗4分鐘，直至芝士溶掉
按喜好加入適量淡奶口感更佳

Reminder：可以一次過整多啲漢堡扒，然後放喺冰格嗰度，要用之前3小時放返喺雪櫃嗰度回溫，咁就好方便啦

這篇文章蕃茄醬漢堡扒最早出現於 Daphne 樂思廚。

薯仔絲煎餅

dralanlam — Tue, 03 Mar 2026 08:41:13 +0000

上星期日同朋友北上，食咗一間好好食嘅餐廳，佢嘅薯仔絲煎餅超級好食！金金黃黃，外脆外軟，一直都想試吓整，不過冇時間，今日終於有時間喺午飯嘅時候試吓整順手拎俾小朋友試下！三個薯仔整到兩大個煎餅，一個比小朋友食一個自己同姐姐食，自己整嘅煎餅冇加多餘嘅調味劑只係落咗鹽同埋無添加菇粉再加咗麵粉，都係外脆內軟仲可以少油添。

放學時間細佬返到嚟第一時間問我仲有冇薯餅啊！好好食呀即係話研究成功，可以分享食譜俾大家啦！

材料：薯仔一磅、麵粉三湯匙
調味料：鹽2/3茶匙、無添加菇粉少許

步驟：
1.薯仔洗乾淨後去皮

去除外皮之後要盡快處理，如果唔係會變色

2.以刨絲器刨成絲

3.把薯仔絲放在水中浸5至10分鐘

4.薯仔取出後略抹乾，加入麵粉及調味料攪拌勻循

5.在平底鍋中加入適量的油，放入薯仔絲以中火煎6分鐘，反轉面再煎6分鐘直至金黃色

6.取出後切件即可

這篇文章薯仔絲煎餅最早出現於 Daphne 樂思廚。

茶燻雞

dralanlam — Fri, 20 Feb 2026 13:11:23 +0000

今日年初四，忙完2個星期整蘿蔔糕、芋頭糕、紅棗糕同盤菜後，今日終於有時間整下新菜式用新鮮既三黃雞先蒸後煙燻，最後+1層蜜糖落去，閃令令香噴噴

用煙燻的方法去煮有淡淡的茶香味道

材料：新鮮三黃雞一隻

煙燻材料：普洱茶葉（或其他紅茶）一湯匙、麵粉一湯匙、白糖一湯匙

雞醃料：鹽1.5湯匙

其他：蜜糖適量、老抽少許

步驟
1. 新鮮三黃雞買回來後洗乾淨，以1.5湯匙鹽放雪櫃醃4至5小時
2.雞煮前30至45分鐘在雪櫃中取出回溫，放在蒸爐中以38分鐘蒸熟，或者放在鑊中以滾水蒸熟（大約30分鐘，視乎雞的大小，我的雞大約是兩斤左右）
3. 把雞取出後用廚房紙抹乾水份，然後放涼吹乾

4. 在不鏽鋼鍋中或者鑄鐵鍋中放上一張錫紙，把煙燻材料放在錫紙上拌勻，然後放上一個蒸架

5.把雞放在碟上，然後放在蒸架上
6. 在雞皮上掃上一層薄薄的老抽

7. 蓋上蓋子開中大火，直到有煙冒出，轉中火蓋上蓋子煮15分鐘，最後掃上一層蜜糖

8. 取出後放涼斬件即可

溫馨提示：煙燻用嘅鍋具記得使用不鏽鋼鍋或者鑄鐵鍋，唔好用不黏窩或者易潔鍋，因為會破壞塗層啊

這篇文章茶燻雞最早出現於 Daphne 樂思廚。

竹笙釀蝦膠

dralanlam — Fri, 06 Feb 2026 13:55:57 +0000

最近忙着去醫院探病，少咗出post少咗寫食譜，不過農曆新年將近，係時候勤力啲鑽研菜式啦！今年農曆新年嘅盆菜有竹笙養蝦膠，想整得佢靚靚哋又想大家都follow到，就用一個最簡單嘅方法整！竹笙條條一樣長度，再加上用芹菜整嘅蝴蝶結，就好似一份份禮物放喺盆菜上面咁樣。

材料：竹笙八條、蝦膠200克、芹菜適量
醬汁材料：雞湯100毫升、魚露少許、糖3分一茶匙、鷹粟粉水適量

步驟：
1. 蝦膠製作可查看以下連結：https://daphnema.kitchen/泰式香茅蝦膠配泰式酸甜汁%EF%B8%8F%EF%B8%8F%EF%B8%8F/amp/
2. 竹笙放在水中浸軟，然後輕力洗淨表面的污垢，輕手劑乾水份

3.芹菜莖放在滾水中煮大約1分鐘後盛起撕開

4.把竹笙放在砧板上，切去頭尾部份（注意長度最好一樣）

5.反轉竹笙，在中間切一刀，然後可以把竹笙打開，讓入2茶匙左右的蝦膠

6.反轉釀入了蝦膠的土笙，然後用芹菜莖打一個蝴蝶結

8. 把竹笙花膠放在碟上滾水蒸8分鐘
9.醬汁中的雞湯在鍋煮滾，加入魚露及糖試味直至合適，然後加入適量的鷹粟粉水打芡
10.把醬汁加在竹笙上即可享用

這篇文章竹笙釀蝦膠最早出現於 Daphne 樂思廚。

非常少油版魚香茄子

dralanlam — Sun, 18 Jan 2026 10:28:27 +0000

魚香茄子相信係很多人喜歡的菜式之一，鹹香美味，加上肉碎及軟滑的茄子，送飯一流！但係喺出邊食嘅魚香茄子，一般為了保持茄子鮮艷嘅紫色會進行走油嘅程序，雖然可以保持茄子嘅顏色，但係就好肥，在家煮，整一個少油嘅版本，好味又健康。

材料：茄子大size一個、豬肉200克（剁碎）、鹹魚一小塊、肉薑兩片、蒜頭兩至三粒、紅蔥頭一粒（去皮後一開四）

調味料：豆瓣醬¾湯匙、蠔油一湯匙、生抽少許、糖半茶匙、清水200毫升

其他：鹽水適量、紹興酒一瓶蓋

步驟
1.在平底鑊加入少許油，煎香鹹魚後取出，放涼後去骨備用

要慢慢去骨才可以

2.同一個平底鑊中加入兩片薑片及紅蔥頭爆香，加入免治豬肉爆香，取出備用
3.在炒鑊中，煲滾一鍋水，加入少許鹽
4.茄子洗乾淨後以滾筒切件，放在鹽水中

5.把茄子放在煲滾了的水中，皮向下，以大火煮2分鐘，取出

6.把炒鑊的水倒去然後抹乾鑊子，加入適量的油爆香蒜頭
然後加入鹹魚炒香，再加入肉碎爆香

記得要全部爆香

7.加入一瓶蓋的紹興酒，然後加進所有的調味料煮滾試味
8.味道合適後蓋上蓋子，以中小火煮五至6分鐘

9.如果太多水的話，可以加入適量的生粉水收乾即可

這篇文章非常少油版魚香茄子最早出現於 Daphne 樂思廚。

鮑魚花膠蟲草金湯

dralanlam — Tue, 13 Jan 2026 07:30:39 +0000

呢排出好多賀年嘅食譜，講起賀年梗係要金碧輝煌啦，尋日就整咗一個花膠蟲草金湯出嚟，團年飯嘅時候整又好飲、又有益、又有意頭大家不妨收藏起呢款食譜，新年嘅時候跟住做啦。

材料：雞一隻（我用泰安雞，起皮斬件）、蟲草花一兩、杞子20克、已浸發花膠兩隻、五頭南非鮑魚三隻、新疆大紅棗（四至五粒去核）、瑤柱三粒、南瓜約350克、薑3-4塊

步驟：
1. 雞放在室溫水中煮滾，取出洗乾淨備用
2.蟲草花以水浸軟10至15分鐘

3.南瓜去囊去皮切件，隔火蒸20分鐘
4.南非鮑魚洗乾淨後蒸10分鐘，取出鮑魚咀及內臟備用

5.在煲湯鍋中加入4公斤的水，蟲草花、雞件、薑及瑤柱，大火滾起再以中小火煮1小時

6.一小時後取出300ml的湯，加入南瓜粒，以攪拌機攪爛

7.把南瓜高湯放回湯中，加入已處理的鮑魚，滾起後轉中小火煮30分鐘

8.最後加入已浸發及切件的花膠，以中小火再煲20分鐘

9.最後大火滾10分鐘，加入少許鹽調味即可

這篇文章鮑魚花膠蟲草金湯最早出現於 Daphne 樂思廚。

食譜 彙整 - Daphne 樂思廚