雞翼彙整 - Daphne 樂思廚

土匪炸單骨雞翼

dralanlam — Mon, 24 Jun 2024 13:03:13 +0000

細佬從韓國回來後好想食我整嘅炸雞翼，阿女亦都好耐冇食過我整嘅嘢食！今日就如佢哋所願整單骨雞翼啦每次整單骨雞翼都會爭住食唔夠食，可惜嘅係屋企只得返12隻雞翼，整出嚟只有24件，小朋友爭下爭吓好快食晒！我自己只食到三件今次嘅雞翼，用上左土匪味道嘅孜然粉，經過油炸之後，更香更好味，大家快啲一齊睇吓點樣做啦！

材料：雞中翼12隻（沿骨用鉸剪剪開）
雞翼醃料：孜然粉1/3茶匙、紹興酒一瓶蓋、黃薑粉¼茶匙、甜椒粉1/3茶匙、蠔油一茶匙、生抽一茶匙、糖¼茶匙、生油少許，麵粉適量、鹽1/3茶匙、黑胡椒少許（可省）
其他材料：高煙點食油適量

步驟：
1. 雞中翼解凍後，用廚房鉸剪沿着雞翼骨把雞翼一開為二，然後以醃料中的鹽，醃雞翼最少15分鐘

2. 加入其他雞翼醃料，醃最少30分鐘，醃上幾小時後味道更入味

3. 在雞翼中加入適量的麵粉，直至黏手的狀態

4. 燒熱一鑊油，把雞翼放進，以中火慢慢炸熟，需時大約5至6分鐘

5. 把雞翼盛起

6. 調高油溫，然後把雞翼再放進，酥炸直至香脆即可
7. 吃可以灑上少許的孜然粉，更添美味

這篇文章土匪炸單骨雞翼最早出現於 Daphne 樂思廚。

自製燒烤醬雞翼

dralanlam — Tue, 27 Feb 2024 09:56:00 +0000

好耐都冇食雞翼啦！因為教練話雞翼屬於脂肪嘅肉類，但係間唔中都有唔忍口嘅時間，今日又多多要求嘅細佬要求整BBQ chicken wings! 通常佢會喺website嗰度比相我睇，然後就會講：「媽咪今晚食呢樣啦」，佢真係當我全部嘢都識整㗎好彩BBQ sauce 都真係成日整，難道唔算太高，所以今日就一齊食邪惡啲啦

材料：雞翼12隻
雞翼醃料：鹽1/3茶匙、甜椒粉1/3茶匙、糖少許
BBQ sauce 材料：茄汁50 ml 、喼汁一茶匙、smoke paprika 1 湯匙（喜歡煙熏味重啲，我加多啲，喜歡輕啲嘅味道加少啲）、蘋果醋一湯匙、卡宴辣椒粉少許、黑椒粉三份一茶匙、蜜糖芥茉一湯匙、蒜粉1/2茶匙、黑糖適量、蒜頭三至四粒、水150毫升
雞翼烤粉：中筋麵粉適量

步驟
1. 雞翼解凍後，把在雞中翼骨中的血擠出來，然後加入雞翼醃料，醃最少30分鐘，過夜更佳

2. BBQ sauce 材料放在小鍋中煮滾，然後轉小火煮30分鐘，直至質地變杰，試味至合適，取出蒜粒，即成醬汁

3. 焗爐預熱180度，雞翼放在中筋麵粉然後取出，放在焗爐架上

4. 雞翼放進焗爐先焗16分鐘

5. 取出雞翼塗上BBQ汁，調高溫度至200度焗5分鐘

6. 反轉雞翼再塗上BBQ汁，再焗5分鐘即可
7. 喜歡的話可以把百里香加在BBQ汁上才焗

這篇文章自製燒烤醬雞翼最早出現於 Daphne 樂思廚。

生煎土匪雞翼

dralanlam — Fri, 12 Jan 2024 14:34:50 +0000

雞翼呢樣嘢真係大小咸宜！個個都鍾意食！細佬係雞翼嘅fans，最鍾意就係食雞中翼而小朋友最鍾意梗係食香口嘅雞翼啦，今次棄用氣炸鍋，用最簡單嘅方法煎雞翼，由生煎到熟，簡簡單單係最好味嘅！

土匪雞翼，其實就係用咗好多唔同香料醃製嘅雞翼，食嘅時候帶有唔同香料嘅香味，令人回味無窮！大家快啲睇吓樂思廚版嘅土匪雞翼要點樣整？

材料：雞翼八隻
醃料：孜然粉1/3 茶匙、蒜粉、五香粉、胡椒粉、糖、黑椒粉、卡燕辣椒粉、甜椒粉各少許（係呀，全部都係各少許啊，大家按照自己嘅喜好將最鍾意嗰款味道嘅粉加多啲）、鹽1/3茶匙、黑芝麻適量（我今次冇加）

步驟
1. 雞翼放在淡鹽水解凍，擠出血水，然後抹乾（非常重要的步驟！），以鹽先醃15分鐘
2. 把醃料（除了孜然粉），按個人的口味喜好放在小碗中，拌勻

3. 然後均勻地灑上雞翼上

4. 最後加入孜然粉，再醃30分鐘

5. 在炒鍋上加入適量的油，燒熱鑊放上雞翼，先用猛火煎15秒，再用中小火煎6分鐘

6. 反轉雞翼，重複步驟五

7. 看看雞翼是否還有血水，如果還有的話額外以中小火煎1至2分鐘

8. 雞翼煎好後，灑上額外的孜然粉，如果有黑芝麻的話可以炒香灑在雞翼上就搞掂啦

這篇文章生煎土匪雞翼最早出現於 Daphne 樂思廚。

新鮮墨魚膠芝士釀雞翼

dralanlam — Sun, 06 Aug 2023 11:57:24 +0000

欠左大家勁耐嘅食譜，因為一路都買唔到新鮮墨魚，所以整唔到新嘅食譜出嚟！尋日去到老闆娘嗰度居然又有大墨魚！即刻買返嚟，咁即係代表今日冇得懶啦咁今日就整墨魚膠、整墨魚丸、整雞翼。

墨魚膠嘅食譜之前已經出過，今次嘅步驟就省略咗佢，所以就咁睇睇落去好容易整！如果懶嘅朋友可以用現成嘅墨魚膠同埋無骨雞翼，咁樣整20分鐘左右就有得食㗎啦！

材料：墨魚膠半斤、無骨雞翼20隻、cream cheese 及mozzarella and cheddar cheese 適量、魚露少許、老抽少許

步驟：
墨魚膠製作的步驟，可以參考以下的網址

https://daphnema.kitchen/%E9%9D%9E%E5%B8%B8%E9%AE%AE%E5%91%B3%E6%89%8B%E6%89%93%E5%A2%A8%E9%AD%9A%E4%B8%B8/

雞翼去骨的步驟，可以參考下面嘅網址

手打蝦膠釀雞翼 – Daphne 樂思廚

1. 無骨雞翼解凍後，先以少許鹽醃最少兩小時
2. 墨魚膠混合各類型的芝士攪拌勻循

攪拌勻循後的樣子

3. 把墨魚膠釀入雞翼中

4. 在雞翼上面，加入少許魚露，然後用手輕輕拍上少許老抽

5. 放入氣炸鍋，以180度炸10分鐘即可

Remark: 芝士加埋嘅比例最少要係墨魚膠嘅三份一，我鍾意食芝士，所以比例大約1:1

這篇文章新鮮墨魚膠芝士釀雞翼最早出現於 Daphne 樂思廚。

瑞士汁雞翼

Daphne 樂思廚 — Fri, 24 Feb 2023 04:10:07 +0000

以前喺佐敦返工嘅時候，好鍾意幫襯一間餐廳，一來好近學校，二來佢嘅瑞士汁好出名！相信鍾意食瑞士汁雞翼嘅朋友都知道係邊間餐廳。

幾星期前再造訪餐廳，瑞士汁仍舊好吃，但是雞翼的質素好似冇之前咁好，有少少雪味，雖然唔明顯，但比之前係有少少分別嘅。

昨天晚上，我和女兒吃意粉，聽過突然間諗起呢間餐廳嘅瑞士汁雞翼，不如就自己整俾老公同仔仔食啦！

超級市場都有瑞士汁售賣，但係味道始終唔合心水，瑞士汁都係自己整好！

汁料：生抽120毫升、老抽250毫升、水500毫升、片糖1/3 塊、紹興酒一瓶蓋

香草材料：八角2-3粒、花椒1茶匙、香葉2-3塊、甘筍半條（切件）、洋蔥¼個（切件）、紅蔥頭四至五粒、蒜頭四至五粒、薑2-3塊

其他材料：雞翼12隻、鹽少許

步驟
1. 雞翼解凍後，洗乾淨，以少許鹽醃最少30分鐘
2. 醃好後的雞翼進行跑活水

3. 雞翼取出洗乾淨（要洗晒d血水）

4. 在炒鍋中加入少許油，爆香所有香草材料

5. 然後加入一瓶蓋的紹興酒

6. 注入所有汁料，以大火煮滾後蓋試蓋子以中小火煮15分鐘，試味至合適

7. 把香草材料取去，即成瑞士汁
8. 雞翼放進汁中，先以中火煮滾，蓋試蓋子，關火焗14分鐘，再打開蓋子，待雞翼在汁中半小時左右即可

這篇文章瑞士汁雞翼最早出現於 Daphne 樂思廚。

韓式炸雞翼

Daphne 樂思廚 — Wed, 22 Jun 2022 08:48:37 +0000

有留意開樂思廚專頁既朋友，都知道我同老公好鍾意好鐘意煲韓劇（但自從代課後就冇啦，因為日日都好早起身好眼瞓）,睇韓劇成日都睇到佢哋食炸雞，植入式廣告有陣時自己都好想食！

尋日突然間想食韓式炸雞，又出去買炸粉，就是把自己整個炸粉去做啦！炸粉加入咗泡打粉，炸完後既雞翼非常脆！就算凍左都好脆！同啤酒一齊食！邪惡又好味

材料：雞中翼14隻
乾炸粉材料
低筋麵粉65克、生粉65克、泡打粉2.5克、紅椒粉2.5克、蒜鹽少許
濕炸粉材料
低筋麵粉65克、生粉65克、泡打粉2.5克、紅椒粉2.5克、蒜鹽少許、雞蛋1.5隻、水約80毫升（自行加減）
醬汁材料
水60 毫升、紅椒粉半茶匙、生抽2茶匙、蜜糖1-2湯匙（按喜好）、鹽少許

其他：炒香了的芝麻少許

步驟
1. 雞翼解凍後以鹽水浸15分鐘，沿骨去掉血水，抹乾後加入少許鹽醃30分鐘

2. 乾炸粉材料拌勻備用

3. 濕炸粉材料也拌勻備用，濕炸粉需要自行觀察稀杰度（可參考上面的圖）

4. 把雞翼放進乾炸粉中

5. 再放入濕炸粉中

6. 其後再放乾炸粉中

7. 燒熱油，中火炸熟雞翼至金黃色（大約8-10分鐘），瀝乾油

脆卜卜

8. 在另一個鍋中煮滾醬汁材料，加入雞翼沾上醬汁
9. 把雞翼放在碟中，把剩餘的醬材料淋在雞翼上，加入少許芝麻就可以開餐啦！

這篇文章韓式炸雞翼最早出現於 Daphne 樂思廚。

改良版青檸蜜糖雞翼

Daphne 樂思廚 — Mon, 30 May 2022 23:27:25 +0000

大人小朋友都愛食雞翼！雞翼亦係上班一族喜歡的食材之一，放工後樂快煮好，個個都鐘意，的確係快靚正！

之前收到不少inbox 查詢，問有關雞翼去雪味問題。首先，我用開的泰國牌子的雞翼雪味不重，大家選材料時可選擇比較優質的食材，味道差好遠的！另外，可把雞翼放在淡鹽水中浸15分鐘，沖水後沿骨擠出血水，都可以改善雪味的問題！

講返改良版雞翼先，今次用上懶人氣炸鍋焗完再煮一陣，懶到出汁！無氣炸鍋的朋友，將雞翼炸香的效果都一樣啊！

材料：雞中翼16隻
醃料：鹽1/4茶匙、生抽1茶匙、老抽少許、糖少許
汁料：青檸1個（取汁去核用）、蜜糖1糖匙、生抽1茶匙、魚露少許、水50ml、生粉水少許

步驟
1. 雞翼解凍後洗淨抺乾，先以鹽醃30分鐘，再把其他醃料放進，醃最少30分鐘

2. 雞翼放氣炸鍋，以180焗10分鐘後取出（也可煎至8-9成熟）
3. 炒鍋加入少許油，炒香雞翼

4. 注入汁料（青檸汁除外），滾後以小火煮3-4分鐘，逐少加入青檸汁至喜歡的甜酸度，大火把汁收乾，也可以加入少許生粉水把汁略收乾

這篇文章改良版青檸蜜糖雞翼最早出現於 Daphne 樂思廚。

buttermilk 黃咖喱班蘭炸雞翼

Daphne 樂思廚 — Wed, 06 Apr 2022 14:51:19 +0000

唔知道大家對buttermilk是否有認識?喺外國炸雞嘅食譜入邊，好多時候都會用到buttermilk去醃雞，buttermilk嘅味道就好似酸奶咁，可以令到雞肉嘅肉質保持鮮嫩多汁，上星期途經cc super，見到有特價嘅buttermilk賣，馬上買來一支，夜晚就用來做炸雞翼！

雞翼嘅醃料加咗黃咖喱粉、香茅同埋班蘭葉等等，帶有淡淡的黃咖喱味，小朋友最愛！

買唔到buttermilk的話，可以使用鮮奶，加入少許檸檬汁，放室溫15分鐘也可！

材料：雞中翼16隻
雞翼醃料：鹽1/3茶匙、buttermilk 250 ml、黃咖喱粉一茶匙、紅椒粉1/3茶匙、黃姜粉1/4茶匙、香茅兩支（切片）、班蘭葉1塊（切段）、蒜頭三粒（拍扁）
炸粉材料：雞蛋兩隻、麵包糠適量

步驟：
1. 雞翼先解凍，抹乾後以雞翼醃料（buttermilk 及香草除外）醃1小時
2. 加入buttermilk及香草，放入雪櫃再醃最少3小時

3. 雞翼取出回室溫，先沾上一層麵包糠，再把雞翼放在蛋漿，沾上蛋漿後再鋪上一層麵包糠稍為壓實

4. 燒滾熱油，放入雞翼，先炸2分鐘（要留意不要郁動雞翼，否則麵包糠將不能黐實）

5. 2分鐘後反轉雞翼，炸4分鐘，再反轉雞翼炸4至5分鐘，直至金黃色
6. 取出後隔去多餘的油份，在上面灑上少許紅椒粉即可

這篇文章 buttermilk 黃咖喱班蘭炸雞翼最早出現於 Daphne 樂思廚。

黃咖喱蜜芝麻雞翼

Daphne 樂思廚 — Sun, 16 Jan 2022 01:24:19 +0000

小朋友都鍾意食雞翼又鍾意食蝦餅，不如就將兩樣嘢二合為一，做蝦膠釀雞翼。起骨既時候，阿女話：「好耐未食過黃咖喱，我哋幾時食黃咖喱炒蟹？」，靈機一觸即時回答：「用黃咖喱整雞翼如何？加埋蜜糖同埋芝麻應該幾好味！」，於是乎我哋就一齊做咗呢個自創嘅食譜啦！

用上泰式黃咖喱粉去醃雞翼，雞翼帶有淡淡的黃咖喱香味，但一啲都唔辣小朋友都食到！讓入新鮮手打嘅蝦膠，食落去又彈牙又鮮味。最後加入蜜糖芝麻汁，雞翼帶少少甜味，小朋友最愛呀！

材料：雞全翼八隻、蜜糖一湯匙（加入一湯匙的水稀釋）、芝麻一湯匙
雞翼醃料：黃咖喱粉1/3 茶匙、魚露少許、糖少許、生抽一茶匙、老抽少許
蝦膠材料：海蝦一斤、鹽1/4茶匙、蛋白一隻（按需要加入）

2. 雞全翼以剪刀拆骨（如圖虛線輕力剪開），注意不釀剪破雞皮

起骨後的

3. 雞全翼以醃料醃最少30分鐘

4. 蝦膠根據以下的做法處理好

蝦膠做法

泰式香茅蝦膠配泰式酸甜汁

3. 把蝦膠釀入雞翼中，以牙籤封口

4. 燒熱滾油，把雞翼放在滾油中，以中小火炸5-6分鐘直至雞翼炸熟

5. 在另一炒鍋中以白鑊爆香芝麻，加入蜜糖水煮滾，放進雞翼略炒即可

這篇文章黃咖喱蜜芝麻雞翼最早出現於 Daphne 樂思廚。

手打蝦膠釀雞翼

Daphne 樂思廚 — Mon, 02 Nov 2020 14:55:41 +0000

我家的小朋友很喜歡嘢雞翼，無論是雞槌、雞中翼、雞全翼….全部都愛。但最喜歡的卻是無骨雞翼，啖啖肉，夠晒懶。但無骨雞翼一般都比較林，欠缺咬口。

上星期做多了蝦膠放在冰櫃，今天取其他材料時發現了，心想不如釀在雞翼中為雞翼增加一點點鮮味吧！加了蝦膠的雞翼，多了一點蝦的甜味，口感彈彈，小朋友很愛吃，大人當然也很愛吃啦！如果大家懶唔想做蝦膠，也可以買來現成的蝦膠釀入去，味道也不錯啊。

材料：雞全翼6隻、蝦一斤（可用鮮蝦或急凍蝦）、芝麻少許

醃料：鹽少許、老抽少許

其他：牙簽6支、蜜蜂少許

步驟：

1. 先做蝦膠，蝦膠的食譜可參考：https://daphnema.kitchen/%E6%B3%B0%E5%BC%8F%E9%A6%99%E8%8C%85%E8%9D%A6%E8%86%A0%E9%85%8D%E6%B3%B0%E5%BC%8F%E9%85%B8%E7%94%9C%E6%B1%81%E2%9D%A4%EF%B8%8F%E2%9D%A4%EF%B8%8F%E2%9D%A4%EF%B8%8F/

2. 雞全翼以少許鹽醃最少30分鐘，用剪刀把雞槌剪去（可留作其他菜式用）

3. 雞全翼以剪刀拆骨（如圖虛線輕力剪開），注意不釀剪破雞皮

4. 輕輕把雞骨取出

5. 把蝦膠釀入在已拆骨的雞中翼內，以耳簽固定

6. 加入少許老抽在雞翼中，使氣炸後的雞翼上色更漂亮

7. 釀好了的雞翼放氣炸鍋以180度氣炸10分鐘，塗上蜜糖，調高溫度至200度，再氣炸2分鐘即可，取出灑上白芝麻即可

這篇文章手打蝦膠釀雞翼最早出現於 Daphne 樂思廚。

雞翼 彙整 - Daphne 樂思廚