鮮墨魚汁意粉

Daphne 樂思廚 — Wed, 29 Mar 2023 08:04:46 +0000

呢排墨魚當造，勁大隻，可說是可遇而不可求，所以呢排做左好多墨魚食譜出來，任君選擇！

講到新鮮墨魚，好多人都只會食墨魚肉同埋墨魚鬚，其實墨魚內臟嘅墨囊含有勁黑既墨汁，墨汁營養價值高，富含了無機鹽、維生素及鈣等營養，所以如果大家如果買新鮮大墨魚既話，記得留返墨囊整意粉！

材料；墨魚墨囊一個、墨魚件4-6塊（切格子）、鮮海蝦6-8隻（去頭、殼及腸）、帶子3-4粒、三文魚子適量、意粉2人份（150克）、蒜頭3粒（切粒），vsop 少許、鹽及糖少許

製作墨魚汁步驟
1. 取出墨囊後用水輕力洗淨

2. 以剪刀把墨囊剪開，把墨汁取出

3. 剩餘的墨囊用少許水洗一洗，可以洗出更加多墨汁

4. 在鍋中加入少許油，爆香蒜粒

5. 加入墨汁炒香

6. 加入vsop 再煮一會，加入少許鹽及糖，試味至合適即可

意粉製作步驟
1. 煲滾水，加入少許鹽及油在水中，送入意粉，煮8-9分鐘後取出
2. 把意粉水倒去，加入少許油，意粉重新放進鍋中炒香，加入3-4湯匙墨魚汁拌勻後試味，即成墨魚汁意粉

黑漆漆的

3. 海蝦、帶子及墨魚煎香，灑上少許鹽，取出後放上意粉，加入三文魚子即成，放上少許薄荷菜點綴，好fresh!

這篇文章鮮墨魚汁意粉最早出現於 Daphne 樂思廚。

墨魚汁帶子意粉

Daphne 樂思廚 — Sun, 28 Aug 2022 16:23:42 +0000

到餐廳吃飯時很喜歡吃墨魚汁意粉，墨魚汁的鮮味非其他的海鮮可以比較，但係喺餐廳食墨魚意粉食完之後嘴唇變得黑黑的，有點尷尬

喺屋企煮，如果買到新鮮嘅墨魚，用墨魚汁來做意粉，非常美味！就算買不到，也可以用現成的墨魚汁來做意粉，方便快捷，味道也不錯。

上次的墨魚汁意粉是用新鮮墨魚汁做的，但由於過程太論盡，所以沒有拍照，下次再買到新鮮墨魚的時候再話俾大家知點樣整！

下面嘅食譜就用着方便嘅墨魚汁先。墨魚汁可以喺CC super 買，或者Muji買，個人比較喜歡CC super的，帶鮮味多一點，但因為有蕃茄的成份，所以有少少酸，要自行加糖及鹽調校味道。

材料（1人份）：意粉60 克、墨魚汁四至五湯匙、帶子2隻、新鮮海蝦三至四隻、車厘茄三至四粒、三文魚子適量、番茜少許、蒜頭兩粒（拍扁）

步驟：
1. 滾水中煮開，加入少許鹽及一湯匙的橄欖油，放入意粉煮8分鐘，取出備用
2. 新鮮海蝦去釣蝦頭及蝦殼，沿背部切開，去掉蝦腸；刺身及帶子融雪後徹底抹乾
3. 在炒鍋中爆香兩粒蒜頭及車厘茄，加入意粉炒香後，放入四湯匙墨魚汁及番茜葉、加入少許糖及鹽調味至合適
4. 鮮蝦及帶子用廚房紙徹底抹乾，加入少許鹽在蝦球帶子上面，煎香即可（煎帶子的時候不要翻來翻去，否則煎得唔靚）

5. 墨魚汁意粉放在碟上，在上面放上帶子、大蝦及三文魚子即成

Cc super的墨魚汁加咗蕃茄，帶少少酸味

Muji的

趕時間的時候炒完加三文魚籽就食得

這篇文章墨魚汁帶子意粉最早出現於 Daphne 樂思廚。

墨魚汁 彙整 - Daphne 樂思廚

鮮墨魚汁意粉

墨魚汁帶子意粉

墨魚汁彙整 - Daphne 樂思廚