Double cheese 脆雞漢堡

唔知點解小朋友對漢堡包都係好有情意結，我細個嘅時候都好鍾意去麥當當，記得嗰陣時個個星期六都會同屋企人去，去完之後仲會去尖沙咀公園玩，好一個快樂嘅童年！

雖然屋企有好多好嘢食，但係我嘅小朋友最鍾意都係食麥當當，一諗唔到食啲乜嘢就話要去食🤣

細佬呢排進化咗，係咁話要去美國旅行，原因係要食Chick Fil A，今年因為一啲原因未能去咁遠旅行，於是佢就係咁睇YouTube，然後煩咗我好耐，又話俾我聽：「雞扒入面要有芝士架！」、一時又話：「嗰個汁要用honey Mustard 加沙律醬同埋蜜糖！」，最後口甜舌滑咁講：「你煮嘢食咁叻，難唔到你嘅，please我真係好想食！」

好啦，終於有啲時間就實現佢嘅願望啦！屋企整嘅double cheese chicken burger 今次用上現成嘅漢堡包，雖然冇自己整咁好食，不過都唔錯啦！