小食彙整 - Daphne 樂思廚

生煎土匪雞翼

dralanlam — Fri, 12 Jan 2024 14:34:50 +0000

雞翼呢樣嘢真係大小咸宜！個個都鍾意食！細佬係雞翼嘅fans，最鍾意就係食雞中翼而小朋友最鍾意梗係食香口嘅雞翼啦，今次棄用氣炸鍋，用最簡單嘅方法煎雞翼，由生煎到熟，簡簡單單係最好味嘅！

土匪雞翼，其實就係用咗好多唔同香料醃製嘅雞翼，食嘅時候帶有唔同香料嘅香味，令人回味無窮！大家快啲睇吓樂思廚版嘅土匪雞翼要點樣整？

材料：雞翼八隻
醃料：孜然粉1/3 茶匙、蒜粉、五香粉、胡椒粉、糖、黑椒粉、卡燕辣椒粉、甜椒粉各少許（係呀，全部都係各少許啊，大家按照自己嘅喜好將最鍾意嗰款味道嘅粉加多啲）、鹽1/3茶匙、黑芝麻適量（我今次冇加）

步驟
1. 雞翼放在淡鹽水解凍，擠出血水，然後抹乾（非常重要的步驟！），以鹽先醃15分鐘
2. 把醃料（除了孜然粉），按個人的口味喜好放在小碗中，拌勻

3. 然後均勻地灑上雞翼上

4. 最後加入孜然粉，再醃30分鐘

5. 在炒鍋上加入適量的油，燒熱鑊放上雞翼，先用猛火煎15秒，再用中小火煎6分鐘

6. 反轉雞翼，重複步驟五

7. 看看雞翼是否還有血水，如果還有的話額外以中小火煎1至2分鐘

8. 雞翼煎好後，灑上額外的孜然粉，如果有黑芝麻的話可以炒香灑在雞翼上就搞掂啦

這篇文章生煎土匪雞翼最早出現於 Daphne 樂思廚。

自製bagels

dralanlam — Mon, 07 Aug 2023 10:02:44 +0000

坊間bagels 有好多款唔同嘅食譜，我嘅食譜一般都係用最簡單嘅方法，要快加上口感鬆軟，就一定要熱食！自己屋企即刻整，即刻食易整又好食

材料：高筋麵粉400克、砂糖20克、鹽8克、yeast 1克、暖水240 ml

其他：蜜糖一湯匙

步驟
1. 在大碗中混合所有材料（暖水除外），然後逐少加入暖水，搓粉團直至光滑

2. 我是使用小美幫手搓粉團可以好懶，用粉團模式，加入材料搓6分鐘即可

3. 把搓好的粉團搓成圓狀，鋪上保鮮紙，放室溫先發酵30分鐘

4. 發酵後的粉團分成8個，搓完後，鋪上濕布，再發酵20分鐘

5. 把發酵後的粉團壓扁

6. 搓成條狀

7. 把條狀的其中一邊壓扁，另一邊搓成尖型，然後摺疊起來成為一個bagel

8. 把完成的bagel 蓋上濕布再發酵20至30分鐘，時間剩餘10分鐘的時候可以先預熱焗爐200度

9. 煲滾一鍋水，加入一湯匙的蜜糖，把已發酵完成的bagel 放進水中煮20秒，然後盛起

10. 把bagel 放進已預熱的焗爐鐘焗15分鐘，再調高溫度至220焗4至5分鐘即可

11. 可按喜好加入餡料

這篇文章自製bagels 最早出現於 Daphne 樂思廚。

新鮮墨魚膠芝士釀雞翼

dralanlam — Sun, 06 Aug 2023 11:57:24 +0000

欠左大家勁耐嘅食譜，因為一路都買唔到新鮮墨魚，所以整唔到新嘅食譜出嚟！尋日去到老闆娘嗰度居然又有大墨魚！即刻買返嚟，咁即係代表今日冇得懶啦咁今日就整墨魚膠、整墨魚丸、整雞翼。

墨魚膠嘅食譜之前已經出過，今次嘅步驟就省略咗佢，所以就咁睇睇落去好容易整！如果懶嘅朋友可以用現成嘅墨魚膠同埋無骨雞翼，咁樣整20分鐘左右就有得食㗎啦！

材料：墨魚膠半斤、無骨雞翼20隻、cream cheese 及mozzarella and cheddar cheese 適量、魚露少許、老抽少許

步驟：
墨魚膠製作的步驟，可以參考以下的網址

https://daphnema.kitchen/%E9%9D%9E%E5%B8%B8%E9%AE%AE%E5%91%B3%E6%89%8B%E6%89%93%E5%A2%A8%E9%AD%9A%E4%B8%B8/

雞翼去骨的步驟，可以參考下面嘅網址

手打蝦膠釀雞翼 – Daphne 樂思廚

1. 無骨雞翼解凍後，先以少許鹽醃最少兩小時
2. 墨魚膠混合各類型的芝士攪拌勻循

攪拌勻循後的樣子

3. 把墨魚膠釀入雞翼中

4. 在雞翼上面，加入少許魚露，然後用手輕輕拍上少許老抽

5. 放入氣炸鍋，以180度炸10分鐘即可

Remark: 芝士加埋嘅比例最少要係墨魚膠嘅三份一，我鍾意食芝士，所以比例大約1:1

這篇文章新鮮墨魚膠芝士釀雞翼最早出現於 Daphne 樂思廚。

蒜香蜜糖牛油雞翼

dralanlam — Mon, 26 Jun 2023 14:21:46 +0000

雞翼真係百吃不厭嘅其中一種菜式，可以用好多唔同嘅方法去煮，呈現唔同嘅味道！豉油雞翼、沙薑雞翼、香茅雞翼、檸汁蜜糖雞翼，土匪雞翼、黃咖喱雞翼……無論點樣整都好食！不過講到離遠都聞到嘅香味，就非牛油雞翼莫屬啦！煮緊嘅時候已經好香，煮好之後一打開鑊蓋嗰種味道，簡直係難以形容咁好味！

牛油雞翼不難做，快點收藏吧！

材料：雞翼12隻
雞翼醃料：紹興酒一瓶蓋、鹽半茶匙、生抽1/2茶匙、糖少許
牛油汁材料：牛油20克、蒜頭一個（去皮后切碎）、生抽半茶匙、蜜糖一湯匙、魚露少許

步驟：
1. 雞翼先以醃料醃最少2小時
2. 雞翼放室溫半小時，以氣炸鍋180度焗12分鐘/或者用平底鑊煎至九成熟

不用加老抽

3. 在平底鍋中加入牛油，加入蒜頭爆香，取出一半的蒜頭

4. 把雞翼放進炒香

5. 加入牛油汁中的紹興酒

6. 加入蜜糖

7. 最後加入魚露，再煮一會兒即可

這篇文章蒜香蜜糖牛油雞翼最早出現於 Daphne 樂思廚。

脆炸麥樂雞

Daphne 樂思廚 — Mon, 15 May 2023 11:33:34 +0000

屋企嘅小朋友成日都話要食麥當當，其實都係鍾意食香口嘢啫！見有少少時間自己整個麥樂雞俾佢哋食，食完之後就話：「下次都係食你嗰啲」，又幾識食wo

自己整嘅麥樂雞，用上有機新鮮雞柳，點樣講都食得放心啲！加上雞肉彈牙juicy，3個人唔使10分鐘K.O.晒25件！

材料：有機雞柳500克
雞肉調味料：蒜粉兩茶匙、紅椒粉1/2茶匙、鹽3/4 茶匙、鷹粟粉兩茶匙、胡椒粉1/3茶匙、蛋白一隻、卡宴辣椒粉1/3茶匙

炸漿：中筋麵粉3湯匙、泡打粉三份一茶匙、水適量、鹽三份一茶匙（材料全部攪拌勻循就可以）

酸甜醬：白醋一茶匙、檸檬汁適量、茄汁一茶匙、糖兩茶匙、蜜糖少許

其他：鷹粟粉適量

步驟
1. 有機雞柳解凍後，去除筋部切粒

2. 把雞柳放在攪拌機中，加入雞肉調味料（蛋白除外）攪拌成雞茸，我用thermomix setting 是20秒/speed 5 慢慢調到去10

加入調味料後

3. 如果用thermomix: 把雞蛋白加入去，用dough mode 3分鐘，即成彈牙雞茸

4. 如使用普通攪拌機，則在步驟2後取出，慢慢加入雞蛋白，順時針方向，達至起膠

5. 把雞蓉放保鮮紙，放雪櫃雪1小時

6. 在雪櫃取出雞，分開23-25克為一小塊，沾上適量的鷹粟粉做型

7. 再放雪櫃雪一晚

8. 翌日取出，放在炸漿中（只需要把炸漿的材料全部攪拌勻循就可以）

9. 再放入溫度大約150度的油出先炸一次

10. 食前再炸一次就可

11. 醬汁製作：把甜酸汁材料放小鍋中煮滾，試味至合適即可

超juicy

這篇文章脆炸麥樂雞最早出現於 Daphne 樂思廚。

自製玉子豆腐

Daphne 樂思廚 — Sat, 13 May 2023 12:54:26 +0000

間唔中都會喺超級市場或者街市買玉子豆腐，玉子豆腐其實並唔係豆腐，好多都係冇黃豆嘅成份，質地好幼嫩，但係就冇豆嘅香味。

既然呢排整開豆漿，就不如自己製作埋玉子豆腐，結合黃豆嘅香氣同埋雞蛋嘅幼嫩，美味之餘仲好健康！玉子豆腐並不難做，最麻煩係整個豆漿，如果唔想自己整嘅，就買啲優質嘅無糖豆漿一樣得！

豆漿食譜：https://youtu.be/F0b10TibBYA

材料：自製無糖豆漿400毫升、雞蛋（中型size）四隻、味醂一茶匙、清酒一茶匙、岩鹽少許

其他：魚袋一個、蒸玉子豆腐容器一個、可加熱保鮮紙

步驟
1. 在碗中打勻四隻雞蛋，加入調味料

2. 把無糖豆漿放進雞蛋中

3. 以魚袋過濾

4. 把豆腐蛋漿放進容器中，蓋上保鮮紙
5. 放進蒸爐或以明火蒸煮20分鐘
6. 取出放涼，可切片來用

這篇文章自製玉子豆腐最早出現於 Daphne 樂思廚。

無添加豬肉鬆

Daphne 樂思廚 — Wed, 26 Apr 2023 16:23:05 +0000

原來大家都咁鍾意食豬肉鬆！一晚裏面收到好多留言需要豬肉鬆嘅食譜。咁就等我快快脆脆寫俾大家啦！

煲完湯嘅豬肉，唔知大家會點樣處理呢？係會食咗佢？掉咗佢？定係有其他用途呢？

煲完肉嘅豬肉，其實用嚟整豬肉鬆係一個唔錯嘅選擇，小朋友好喜歡食，食粥加啲落去令到粥品更加惹味；加入泰式菠蘿炒飯，令到菠蘿炒飯添加鹹香味！

我哋快啲睇吓要點樣做？

材料：煲湯豬肉（我用咗大約$40 ）適量
醬汁材料：日本豉油四湯匙、味醂兩湯匙、白糖一湯匙、老抽適量

1. 煲湯豬肉放涼後撕成幼絲

2. 在小鍋中加入醬汁材料煮滾備用

3. 豬肉絲放入鍋中以中小火白鍋炒香
4. 8成乾後分3次加入醬汁拌勻

5. 再烘乾至脆即可（技巧請查看YouTube)

這篇文章無添加豬肉鬆最早出現於 Daphne 樂思廚。

小食 彙整 - Daphne 樂思廚