每年三月都係螢光魷魚嘅季節，肥美又便宜嘅螢光魷魚，非常美味！細細隻一啖一隻，一家人可以食一盒！用螢光魷魚來煮飯，不但只可以偷懶，小朋友仲好鍾意添！加入埋三月先有嘅雷荀，認真是季節限定！大家快啲趁住魷魚嘅季節，試吓煮一道美味嘅螢光魷魚飯，同家人一齊分享啦！
材料：日本直送螢光魷魚一盒、雷筍一條、木之芽少許、三文魚子適量、紫蘇花（可省）、日本珍珠米兩杯
煮飯汁料：鰹魚汁100ml、水2.5杯、日本豉油兩湯匙、味醂兩湯匙、料理酒一湯匙
步驟
1. 螢光魷魚洗淨後，以80度蒸3分鐘，或隔水蒸2分鐘，取出後放涼
2. 以小夾把魷魚的眼、嘴及軟骨除去，洗淨瀝乾水備用
3. 雷筍去除外皮，只要最嫩的部份切粒，放進滾水煮3分鐘，取出放涼備用
4. 日本米洗乾淨後，先浸水半小時，再瀝乾水備用
5. 在小鍋中煮滾煮飯汁料備用
6. 在陶瓷鍋或鑄鐵鍋中加入珍珠米、雷筍粒及螢光魷魚，再加入兩杯煮飯汁料，蓋上蓋子直至冒煙，轉中小火煮10分鐘，再焗5分鐘
7. 打開蓋子，加入木之芽、紫蘇花及三文魚子，再加入少許汁料即成
