奶奶好鍾意食鮮竹卷，有一次喺酒樓食到一個好特別嘅鮮竹卷，就好似將棉花雞嘅材料包左喺鮮竹卷入面咁樣。一般嘅鮮竹卷係有豬肉甘筍等等嘅材料，加咗魚肚入去味道層次豐富咗好多。
在酒樓吃嘅版本，只有魚肚及韮黃。我自己覺得魚肚同冬菇係絕配。琴日冇用晒啲龍蝦膏，所以將正如嘅龍蝦膏加埋落去煮，老公話超勁好食。煮嘅時候加埋蝦膠落去，味道層次感更佳！
腐皮一張、蝦膠300-400g、冬菇5-6隻（浸軟切厚片）、魚肚一件 （我用沙包魚肚只需要浸軟即可使用，其他魚肚需要浸軟後再出水）（切件）、生粉水適量、薑片兩片
調味料：紹興酒一瓶蓋、蠔油1.5湯匙、雞湯一杯、水適量
1. 在炒鍋中加入薑片，爆香冬菇及魚肚，加入龍蝦膏（可省），注入紹興酒炒香後再加入其他調味料，中火煮滾細火炆煮15-20分鐘
