雖然天氣仲未開始轉涼，不過秋天其實慢慢已經到來，係時候開始進步一下！前兩日買咗一啲無激素免治鵪鶉肉碎返嚟，一路都喺度苦惱緊要點樣整最好呢？諗諗吓不如用嚟燉湯，免治咗嘅鵪鶉肉應該好出味，整出嚟好鮮甜！今日就嚟引證一下。
用咗免治鵪鶉肉碎、花膠、海參、瘦肉、紅棗等等嘅食材嚟燉！只係需要等一個小時30分鐘，精華全部出晒嚟，最後只係加少少鹽就已經好好味啦！
秋冬想進補，其實都唔係咁懶，放晒啲材料入去個零鐘就飲得啦。
材料三個燉盅份量，每個燉盅500毫升：無激素免治鵪鶉肉150克、小元貝12粒、圓肉15粒、紅棗6粒（去核）、瘦肉200克、杞子適量、已浸發海參三條、已浸發18頭花膠一條（剪開六件）或者雞泡膠適量
步驟
無激素免治鵪鶉肉放在燉盅底部，加入五湯匙的清水，先放在蒸爐中蒸10分鐘
海參放在薑蔥水中飛水備用
10分鐘後取出燉盅，每個燉盅放兩湯匙的鵪鶉肉、4粒小元貝、5粒圓肉、適量瘦肉、兩粒紅棗、一條海參及兩小件的花膠
注入適量的熱水，然後放回蒸爐燉煮1小時
最後把杞子放進，燉煮20分鐘，最後加入少許鹽即可
