轉眼間又差唔多到端午節😱時間過得真係好快好快！既然到佳節，又係時候做d應節食物-包糭！仲記得得小學既時候，同媽咪去街市買餸嘅時候，見到好多舖頭都寫住個「糭」字。當時識字有限，經過舖頭嘅時候覺得好奇怪，點解咁多「傻」既？
於是走去問媽咪，點解咁多間舖頭買傻既？媽咪哭笑不得，話俾我聽呢個係「糭」字，我就係咁樣學識咗呢個字啦！
依家每逢端午節，都會諗起嗰個小故事，一路包糭一路笑🤣
醃料及其他準備：五香粉、沙薑粉、玫瑰露酒、紹興酒、鹽、糖、油、蠔油、生抽、胡椒粉、老抽、蔥頭3粒（切粒炒香）、鹼水、薑片2塊
1. 黑毛豬五花腩切大件，以半茶匙五香粉、半茶匙沙薑粉、紹興酒1瓶蓋、鹽1/3茶匙、糖1/3茶匙、生抽1茶匙、老抽少許、爆香了的蔥頭及鹽少許醃2天
2. 糭葉逐塊洗乾淨，加入清水浸1天，放在加入了一湯匙的油及鹼水中煮40分鐘，取出後瀝乾水份備用
日本花菇及蝦米
1. 日本花菇浸軟，洗乾淨後對半切開
2. 蝦米洗乾淨清水略浸
3. 在鍋中加入兩片薑，爆香花菇及蝦米，加入蠔油一湯匙、糖1/3茶匙、生抽1.5茶匙及少許水，煮一會兒即可
栗子：放滾水煮10分鐘後熄火再焗20分鐘，取出備用
糯米：浸2小時後加入一湯匙的鹽、少許糖及一湯匙的油
邊綠豆：浸2小時後加入1茶匙的鹽、少許糖、1/2 茶匙的沙薑粉及一湯匙的油
1. 先取4塊糭葉，跟上圖放好
7. 在側邊加入一塊糭葉
