尋日好晏先去到街市，五點幾嘅時候見到仲有靚嘅一字排骨，忍唔住想買返屋企整蒜香骨！大家都知道一字排骨需要比較長嘅時間去醃製先可以入味，由於非常之想食嘅原因，所以用咗一個極速入面嘅方法，令到蒜香骨喺半小時內可以入味！
另外，傳統嘅蒜香骨需要放上木薯粉，然後再以滾油炸香，因為懶同埋健康嘅考慮，所以唔炸啦！就用氣炸嘅方法鎖住肉汁，再加上炸到脆卜卜嘅蒜頭，加埋蜜糖掃喺面，簡單、方便、好味！
排骨醃料：鹽1/3茶匙、生抽1.5茶匙、老抽少許、蠔油一茶匙、紹興酒一瓶蓋、薑蓉一茶匙、已經切碎的蒜頭一湯匙、麻油少許、油少許、胡椒粉少許
1. 一字排骨洗乾淨後， 用叉叉上許多小洞先以鹽醃醃5-10分鐘
2. 把其他排骨醃料加入，再醃最少20分鐘，醃30分鐘為最佳，如果打算醃製過夜，需要酌量減鹽的份量
3. 氣炸鍋在醃製排骨的時候，先預熱180度 5分鐘
5. 為排骨塗上蜜糖，調高溫度至200度，氣炸3-4分鐘至金黃色
8. 取出蒜香骨，放在碟上，灑上炸香了的蒜頭、蔥花及指天椒片即可