下雨天到街市買餸，不想行好耐，快快買完就走，但又無咩好煮意，都係買左返屋企先算。其實，好多朋友問我成日煮唔同既菜，係咪去街市前已經諗定要買咩。當然，大宴親朋時我會諗左先，但平日呢，通常都是買回家先慢慢諗。加上今日下雨天，快快脆買了一盒牛仔骨回家，唔想諗既，可求其用豉油、糖醃左煎熟就食，懶得很！
今日比較早回家，於是就整特別d-整蒜香蜜汁牛仔骨啦！蒜粒半煎炸得脆脆的，加了蜜糖的牛仔骨，甜蜜蜜，好好味啊！
材料：牛仔骨1包（4塊）、蒜頭4粒（切粒）、蜜糖少許
醃料： 生抽半湯匙、糖少許、魚露少許
步驟：
- 牛仔骨沿骨剪開，去掉肥膏，以醃料醃30分鐘
- 蒜粒放油中，以中慢火加熱，炒香至脆，備用。
- 不銹鋼鍋以中火燒熱至冒煙後關火
- 牛仔骨醃後以廚房紙印乾汁液，放在已預熱的不銹鋼鍋煎熟
- 在牛仔骨兩面掃上蜜糖略煎
- 上碟，在牛仔骨上放入香蒜粒即成
- 如喜歡食譜，可讚好Facebook 《Daphne樂思廚》專頁，逢星期一、三、五都會有新食譜分享啊❤️