泰國嘅紅咖喱好多人都鍾意食！好似交通燈咁樣嘅咖喱紅綠黃三隻色，大家又知唔知道咖喱嘅材料係啲乜嘢呢？無論係紅咖喱、綠咖喱定係青咖喱，其實都係用上咗好多唔同嘅香料。香茅、芫荽、蔥頭、蒜頭、蝦醬、孜然……小小嘅咖喱醬已經包含咗好多香料喺入邊，所以味道零舍唔同。
當然大家可以買現成嘅紅咖喱，但係香草隨着日子嘅流逝香味亦都會減少，要品嚐到最香嘅咖喱，當然係即整即煮啦！早前去Bangkok旅行嘅時候， join咗blue Elephant嘅烹飪班，比佢哋啟發咗整一款簡易嘅咖喱醬，比起之前嘅咖喱醬方便好多，其實只要多一個步驟，整咖喱醬30分鐘內就搞掂啦！今次配上咗原隻鴨起出嚟嘅新鮮鴨胸，味道更鮮味！快啲睇吓食譜啦!
咖喱材料：鴨胸一件、糖水荔枝四至五粒、菠蘿適量、椰糖½茶匙、魚露適量、椰汁600毫升
香草材料：南薑兩片、香茅三支（切片）、芫荽根四至五根、檸檬葉兩至三片、金不換少許、芫荽少許
1. 咖喱醬材料中的乾辣椒放在滾水中浸軟，然後放進熱水中煲1至2分鐘，放涼後去籽，切碎備用
