羅望子炒蝦球 dralanlam 8 個月 ago 好多朋友喺我嗰度買咗羅望子上問我除咗用嚟整泰式金邊粉個汁之外,仲可以用嚟做咩呢?我其實好鍾意用羅望子醬炒蝦球!甜甜酸酸簡單又好味! 材料(一人份):海蝦六至八隻、木薯粉半湯匙、鹽1/2茶匙、胡椒粉1/2茶匙、芫荽適量、蒜頭三粒(切片)、蔥頭一粒(切片)、油兩湯匙醬汁材料:羅望子醬2湯匙、椰糖3/4湯匙、魚露半茶匙、水1.5湯匙 步驟1. 海蝦去殼及腸,切成蝴蝶狀,抹乾備用 2. 在木薯粉中混合鹽及胡椒粉,把蝦放進,薄薄的拍上一層粉 拍粉後的樣子 3. 在炒鍋中加入油,爆香蒜頭及蔥頭(聞到香味就可以啦),把蒜頭蔥頭放在一邊 4. 加入海蝦,煎至兩面金黃,然後與蔥頭蒜頭炒混 5. 把海蝦放在一邊,加入醬汁材料煮滾試味,直至合適 6. 把海蝦與醬汁拌勻,最後灑上芫荽碎即可喜歡辣的朋友可以在加入蒜頭蔥頭的同時加入適量的指天椒片。