生炸脆皮炸子雞

話說家父好鍾意煮嘢食，以前佢喺酒店做工程師，最鍾意就係落廚房睇吓啲廚師點樣煮嘢食。細細個嘅時候會喺屋企整炸子雞、炸雪糕、佛跳牆、燒鵝……各適其適嘅美食。可能因為咁，所以我自細就學識咗好多唔同嘅菜式。

中式炸子雞，係我12歲嘅時候就學識嘅菜式，嗰陣時住16樓，一到秋風嘅時候，爸爸就會買來一隻三黃雞，然後好忙碌咁上皮，再吊在窗口嗰度等佢吊乾！

經過幾小時風乾後，雞皮變得非常乾爽，就開始落油鑊炸，花上手力同埋35分鐘嘅時間。脆卜卜嘅炸子雞就完成啦！雖然好攰，但係呢度菜式全部人都鍾意食，攰啲都值得嘅。