喺咁多款肉食當中，個個屋企人都鍾意食嘅就係雞啦！雞嘅做法變化萬千，中式嘅白切雞、豉油雞、炸子雞……西式嘅炸雞、香草烤雞等等，都係大家鍾意嘅菜式。適逢暑假就諗一個新嘅菜式出嚟，將芫荽雞、豉油雞結合無水煮究竟會係點樣呢？結果不錯，一路煮嘅時候成間屋都係香草嘅香味，大家都好期待製成品，加上用無水煮嘅方法，放咗落個煲入邊等時間夠就可以，非常方便。
材料：新鮮三黃雞一隻（大約兩斤半重）
香草材料：蔥段適量（要多一啲墊住個煲底）、芫荽適量、薑8至10片、蒜頭6粒（略拍）
雞肉醃料（1）：鹽1湯匙
雞肉醃料（2）：生抽兩湯匙、蠔油一湯匙、糖兩茶匙、胡椒粉三份一茶匙、魚露少許、老抽一湯匙、水1湯匙（攪拌勻循）、紹興酒一瓶蓋
步驟：
新鮮三黃雞買回來後，洗淨抹乾，以雞肉材料一醃最少3小時，過夜更佳
用熱水，先把雞皮燙一燙，讓其收縮上色更好
把雞肉醃料（2）放在已經用鹽醃好的全雞上，均勻塗抹表皮，然後也把一些醃料放在雞肚中塗抹勻循，醃最少3小時，想入味一啲醃過夜（放喺膠袋度醃會比較均勻，間唔中拎出嚟同佢做吓massage）
煮之前1小時把雞從雪櫃度取出，放回室溫
在鑄鐵鍋中底部放入香草材料，然後把雞放進，再把醃雞的醬料加進
蓋上蓋子先以中火煮滾醬汁，然後轉小火煮45分鐘，蓋上蓋子焗20分鐘
打開蓋子，然後收汁，收汁前顏色比較淺係正常嘅
放涼後切件
在雞上放上一些蔥絲，淋入滾油，然後取出一些醬汁倒在雞上即可