原來大家都好鍾意食燒春雞，post出咗一日已經有二百幾個like，今早起身就即刻寫食譜俾大家先🤣🤣
燒春雞係喺街上面成日都會食到嘅西餐選擇之一，但係喺街食到嘅燒春雞好多時都有雪味，仲有啲肉焗得好鞋唔好食！其實秘訣就係用靚嘅春雞，同埋我會用橄欖油而不用牛油，因為牛油會蓋過咗雞嘅味道，用橄欖油又健康啲，味道清淡食到食材嘅真味，呢度燒春雞其實好容易整，一鑊熟啱晒好忙嘅人。
醃料：墨西哥辣粉半茶匙、紅椒粉半茶匙、鹽3/4茶匙、蒜粉1/2茶匙、橄欖油兩湯匙、新鮮百里香適量、乾百里香少許
1. 黃油春雞放雪櫃解凍（需要幾個鐘頭）
2. 解凍後的黃油春雞洗乾淨，沿背/胸剪開（今次我一隻係沿胸、一隻係沿背，個人覺得沿胸剪效果比較理想）抹乾水備用
3. 把醃料加進雞中
6. 翌日取出雞放室溫最少半小時同時間準備其他材料
8. 檸檬對半切開、蒜頭切去上方位置
9. 焗爐預熱200度10分鐘
11. 把烤盤放進焗爐先焗15分鐘，取出焗盤，把雞油淋在蔬菜及雞上，再焗15分鐘
12. 取出雞，塗上蜜糖，調高焗爐溫度至250度焗5至7分鐘（視乎爐溫）
