雖然而家係五月但係天氣已經好熱，呢兩日都30幾度！日日都要外出買新鮮材料嘅我，覺得真係好熱好熱呀！所以要做一啲消暑嘅甜品來食下先。
途經九龍城嘅時候買咗一啲好靚嘅芒果，因為小朋友麻麻哋椰汁嘅味道，所以加入左一啲淡奶，又估唔到加咗淡奶之後口感非常之幼滑！非常唔錯。呢款甜品製作好簡單，小朋友都做得到，星期六日可以同小朋友一齊整吓。
材料：
芒果層材料：芒果4個、水200ml、魚膠粉18g、白糖3湯匙（甜酸度可按芒果的情況加減）
椰汁層材料：椰汁200 mL、淡奶200 mL（如果喜歡椰汁味重啲嘅話可以加多少少椰汁）、魚膠粉18g、白糖五湯匙
步驟
1. 把椰汁層材料放進小鍋中，首先拌混（最緊要拌勻魚膠粉），再用慢火加熱，直至所有材料混合為止，放涼用
2. 把芒果層的其中兩個芒果切粒，另外兩個芒果加入200 mL的水，以攪拌機攪拌成芒果汁
3. 把芒果汁及糖放在小鍋中，加入魚膠粉拌勻，再用慢火加熱直到所有材料混合為止，放涼待用
4.在容器掃上少許油，首先把椰汁層的材料加進，放入雪櫃雪20分鐘
5. 取出後把芒果層的材料加進，再把芒果粒放在上面，放雪櫃再說1小時以上
6. 切件即可
