小朋友成日都肚餓，仲記得我細個嘅時候都係成日肚餓，就同媽咪講要落去買嘢食。以前屋企樓下仲有車仔檔（走鬼嗰款）、一部車仔，分開咗幾格，賣魚肉生菜、碗仔翅、湯魚蛋、湯豆腐，超勁好味！
尋日阿女突然間話好耐冇食碗仔翅，於是係屋企附近熟食檔買，點之唔好食，好似食緊生粉水咁😞😞。
既然係咁就自己整啦！去雞檔買來新鮮嘅雞殼，然後再浸發日本花菇同埋有機木耳，夜麻麻準備咗個湯底今晚就煲啦！
用上新鮮雞殼做嘅雞湯，非常鮮味，自己整嘅碗仔翅仲可以落好多材料，茨汁用馬蹄粉，冇咗生粉水嗰種粉味，仲好晶凝通透添！
碗仔翅唔難做，大家快啲跟着食譜做吓啦！
調味料：蠔油一湯匙、生抽兩湯匙、老抽半湯匙、鹽適量、胡椒粉少許、麻油一茶匙、糖少許（吊味用）
茨汁：馬蹄粉一湯匙、水兩湯匙
1. 雞殼及雞骨以跑活水的形式處理好
2. 把800毫升的水放在鍋中煮滾，加入雞殼及雞骨，大火煮滾，轉小火煮45分鐘至1小時，即成雞湯
7. 加入茨汁直至碗仔翅變杰後加入雞蛋成為蛋花即可