上湯彙整 - Daphne 樂思廚

上湯蟹肉伊麵

dralanlam — Wed, 15 May 2024 13:47:22 +0000

還記得好細個去參加親戚嘅飲宴，屋企人都會早少少去酒樓打麻雀，小朋友嘅我當然唔會打麻雀，就同其他小朋友玩，玩到有啲肚餓，大人就會話：「不如叫上湯蟹肉伊麵啦！」，每次聽到佢哋咁樣叫，心裏面都暗起，因為細細個已經好鍾意食蟹肉呢樣嘢似乎係去飲宴先食得到嘅，所以當蟹肉伊麵，一嚟到就會好安靜係咁食

長大後去朋友嘅婚宴，發現好似已經冇咗上湯蟹肉伊麵啦，已經好耐冇食過！前兩日買咗新鮮嘅松葉蟹，食晒啲蟹腳仲有蟹身未食，就重拾返以前嘅味道啦，上湯蟹肉伊麵，自己整可以用上鮮制嘅雞湯同埋靚靚嘅蟹，鮮味非常！

材料：伊麵一個、蟹肉適量（我今次用咗新鮮松葉蟹嘅蟹肉）、銀芽少許、新鮮熬製雞湯500毫升、火腿一片（也可使用金華火腿）、蛋白一隻、鹽少許、生粉水適量

步驟：
1. 伊麵放在滾水中先灼3分鐘，盛起放在碗中備用

2. 火腿切粒粒
3. 注入少許油在平底鍋中，爆香火腿粒

4. 取出火腿粒，然後爆香銀芽
5. 煮滾雞湯，然後把適量的雞湯放在伊麵中

6. 放入銀芽
7. 把新鮮蟹入放在剩餘的雞湯中煮一會兒

8. 加入適量生粉水
9. 煮到杰杰地嘅情況

10. 在蛋白中加入少許鹽，放進蟹肉中

放碗中

11. 把蟹肉加入伊麵，然後加入火腿粒即可

Daphne 樂思廚 — Sun, 15 Nov 2020 15:35:50 +0000

昨天在西貢買來兩隻紅花蟹，女兒說想吃上湯炒花蟹，今次是用了一個半煎炸的方法來做，加了花雕酒，帶點淡淡的酒香，只用了少許調味，就帶出了海蟹的鮮味。加上不需要油炸，比較簡單，大家可以考慮用呢個方法製作花蟹呀！

材料：紅花蟹兩隻、蔥段適量、薑片四片、紅蔥頭三粒（一開四）、洋蔥半個（切件）、生粉適量

上湯材料：雞湯200 ml、生抽一湯匙、蠔油一湯匙、糖少許、生份水適量

其他：油兩湯匙、花雕酒一瓶蓋

步驟

1. 海蟹洗乾淨，切件，沾上少許生粉備用

2. 在炒鍋中加入兩湯匙的油，爆香紅蔥頭、薑片、洋蔥件及蔥白，放在鍋的一邊後加入紅花蟹件爆香至8成熟

3.加入花雕酒，蓋上蓋子大約1分鐘，再加入上湯材料（生粉水除外），蓋上蓋子煮3-4分鐘

4. 加入青蔥段試味後，加入生粉水煮杰即可

Daphne 樂思廚 — Tue, 24 Dec 2019 08:50:03 +0000

中學二年級開始，有客人到訪家中的時候，爸爸都會叫我為客人準備一道美食，通常會做炸子雞或是上湯龍蝦。這兩道菜式，大大話話做了多過50次！雖然常常都做，但是還10分愛吃。

前幾天過冬，當然也要為家人做一道上湯龍蝦啦！是次用上非常新鮮的澳洲龍蝦。肉質彈彈的，也十分鮮味！喜歡青蔥味的我，添加了很多很多蔥，煮出來的上湯龍蝦非常香呀！

大家也趁着聖誕假期，為家人朋友做一個上湯龍蝦啦！

P.S 最近忙着外送，未有時間update食譜，卻收到你們的PM，說很想要有上湯龍蝦的食譜跟着煮！好啦，有求必應的我，今天趁着有空檔的時候，就為大家整理一下食譜吧！

材料：新鮮龍蝦兩隻（約1斤）、伊麵兩個、蔥$10（切段）、薑3-4塊、雞湯250ml(我用鮮雞殼淆湯，也可用盒裝雞湯）、紹興酒少許

調味料：生抽少許、麻油少許、椰糖半茶匙

步驟：

1.龍蝦放冰格大約40分鐘，把其雪暈

2. 以剪刀開邊，去掉蝦腳、鬚及腸

3. 輕輕洗淨

4. 再剪開成大件，加少許生抽糖豆粉略醃

5. 伊麵略略熱水沖乾淨，放在滾水中煮軟，約2分鐘，取出後以食用水沖洗備用

6.把龍蝦件放入生油中，再放入氣炸鍋，以200度的溫度，氣炸7分鐘

7.在炒鍋中加入薑片及蔥白炒香，加入氣炸後的龍蝦件及青蔥段炒香，注入紹興酒炒香，加入雞湯及調味料及伊麵炒勻，如發現汁料太多，可加入生粉水收汁！喜歡顏色深一點的話，可加入少許老抽。