Daphne 樂思廚，作者 Daphne 樂思廚

可愛造型金魚餃

Daphne 樂思廚 — Thu, 29 Aug 2024 10:08:28 +0000

幾天前放假，想同阿女玩下做吓親子嘅手工。諗起多年前喺酒店食過嘅金魚蝦餃，蝦餃一向自己都有整開，做金魚形狀應該都不是太難吧！

早上喺街市買來新鮮嘅泰國花蝦，放冰格冰幾個鐘頭再攞出來做蝦餃，鮮蝦做嘅蝦餃非常美味！加埋喺北海道直送嘅帶子同埋黑毛豬肉，配上金魚可愛嘅造型，小朋友話：「我唔捨得食呀」

放假嘅時候就同小朋友一齊試吓整啦！

餡料：新鮮泰國花蝦半斤（整蝦膠用）、泰式花蝦六隻（切粒）、北海道刺身帶子兩粒（切粒）、梅頭豬肉4兩（剁碎）

餡料調味料：鹽2/5茶匙、麻油少許、生抽1/2茶匙、生粉適量、水1-2湯匙（視乎情況）

材料（金魚皮）：澄麵80克、生粉（potato starch) 80克、熱水180 ml、紅色食用色素適量、菜油4湯匙

製作蝦餃的工具：菜刀一把、黑芝麻適量、菜油適量、餐刀一把、棉簽一支、吸管一支

1. 蝦膠的製法可參考下列的網址
https://daphnema.kitchen/%E6%B3%B0%E5%BC%8F%E9%A6%99%E8%8C%85%E8%9D%A6%E8%86%A0%E9%85%8D%E6%B3%B0%E5%BC%8F%E9%85%B8%E7%94%9C%E6%B1%81%E2%9D%A4%EF%B8%8F%E2%9D%A4%EF%B8%8F%E2%9D%A4%EF%B8%8F‎

2. 先把餡料材料的豬肉放在大碗中，加入餡料調味料拌勻，以順時針的方式攪拌後達成膠
3. 把蝦膠、鮮蝦粒及帶子粒放進豬肉餡料中拌勻後可以煎少少來試味
4. 把完成了的餡料放進冰箱雪大約30分鐘

5. 製作金魚餃皮，首先把40克的生粉及80克的澄麵放在大碗中，加入180毫升的熱水，快手拌勻（只是粉團還有粉粒屬正常情況），放在室溫5分鐘

6. 5分鐘後加入剩餘的40克生粉，以刮刀攪拌直至無明顯粉粒，加入四湯匙菜油再拌勻，放置在室溫10分鐘

7. 10分鐘後把粉團取出，放在乾淨的枱上，按壓使粉團光滑

8. 取出30克的粉團，加入食物紅色染料，把粉團染成紅色，然後搓成幼條，切為細粒

切細粒

9. 其餘的粉團搓成條狀，把紅色細粒的粉團黏貼在白色粉團上

10. 把粉團切開約20克為一份
11. 把粉團搓圓，用菜刀壓扁（我在菜刀上塗上薄薄的一層菜油，防黏）

12. 放入大約一湯匙的餡料，左右覆合包起

就這樣左右覆合

竹

這篇文章可愛造型金魚餃最早出現於 Daphne 樂思廚。

黃薑粉芝麻炸雞鎚

Daphne 樂思廚 — Wed, 25 Oct 2023 15:05:21 +0000

小朋友樂喜歡食雞翼，但一般都只喜歡雞中翼，如果可以選擇，唔會食雞鎚！試次去曼谷的時候，去左YY spa 食飯，小丙把雞鎚處理一下，再炸香真係又香又好食！

返香港後，一直對這款雞鎚念念不忘，襯有點時間，自己又做做看，小朋友居然在搶吃！證明成功啦

材料：雞鎚8隻
醃料：黃薑粉1/4 茶匙、魚露少許、蠔油一茶匙豉油一茶匙、鹽1/3茶匙、生粉適量
其他：芝麻按喜好

步驟
1. 雞鎚買回來後先以鹽醃最少1小時
2. 用小刀，把雞鎚的肉向下推，形成磨菇狀

全部攪掂

加入醃料（生粉除外）醃最少1小時，然後加入生粉，直至雞肉非常黏手為止

5. 放在油中先以中低溫炸熟，取出雞鎚，調高溫度，再以高溫炸脆即可

超勁香的

這篇文章黃薑粉芝麻炸雞鎚最早出現於 Daphne 樂思廚。

泰式豬頸肉沙律

Daphne 樂思廚 — Sun, 01 Oct 2023 09:23:25 +0000

泰菜同西餐有啲不一樣嘅地方，就係泰菜嘅沙律唔係作為頭盆上菜，而係同主菜、湯類、咖喱等等一齊上菜。食一啖飯、食一d沙律、飲啖湯……全部嘢一齊食，所以泰菜中嘅沙律有陣時都會有肉類，可以當主菜咁食。

泰式燒豬頸肉，好多人都食過，亦都好喜歡食，但係豬頸肉比較肥膩，將豬頸肉加入沙律嗰度不但可以去除油膩嘅感覺，仲為豬頸肉添加咗清新嘅香草味道，加上特製嘅泰式醬汁，味道更加立體，大家不妨試吓！

材料：豬頸肉一件、薄荷葉適量（取葉用）、紅蔥頭4粒（切絲）、香茅3-4枝（取中間比較柔軟的位置切片）、指天椒片適量（可省）、炸腰果一湯匙、炸蝦米一湯匙、檸檬葉2塊（去除中間葉脈後切絲）

醬汁材料：水100毫升、椰糖一湯匙、魚露適量、羅望子醬1.5茶匙、青檸1/3個、泰國芫荽一條、芫荽一條（切碎）

豬頸肉醃料：黃薑粉1/3茶匙、魚露半茶匙、蠔油1.5茶匙、生抽一茶匙、糖少許、卡宴辣椒粉1/4茶匙、黃咖喱粉少許

其他：紅蔥頭四粒（切絲）（炸用）

步驟：
1. 豬頸肉解凍後，以小刀在肉上鎅上淺紋，加入豬頸肉醃料醃最少兩小時
2. 把豬頸肉放進氣炸鍋中，以180度鮮焗12分鐘，調高溫度至200度再焗3至4分鐘，煮好後放涼切件

3. 香草材料按上述的指示切絲，放在大碗中，加入豬頸肉拌勻

4. 腰果及蝦米炸香，把腰果盅碎，把兩樣材料放在沙律碗中

5. 4粒紅蔥頭切絲後放滾油炸香，備用

6. 準備醬汁：把醬汁材料（除了泰國芫荽、芫荽及青檸汁外）放在小鍋中煮滾，最後加入少許青檸汁、芫荽及泰國芫荽
7. 把醬汁放進沙律碗中攪拌，最後加入炒米粉及辣椒粉即可

這篇文章泰式豬頸肉沙律最早出現於 Daphne 樂思廚。

黃咖喱雞胸

Daphne 樂思廚 — Wed, 13 Sep 2023 02:38:34 +0000

想增加身體嘅肌肉量，需要進食比平時多嘅蛋白質，大家都知道雞胸係不二嘅選擇。但係問題係，雞胸因為冇脂肪，所以好容易住得好硬好嚡，所以以往一般都會用慢煮嘅方法去處理。但係慢煮需要用好多時間，個人感覺唔係好化算，於是不斷研究，終於俾我搵到一個煎煮雞胸，簡單又方便嘅方法！大家快啲睇吓食譜啦

材料：有機雞胸一件
調味料：鹽1/3茶匙、黃咖喱粉1/4茶匙、PAPRIKA紅椒粉1/4茶匙

步驟：
1. 有機雞胸早一晚放在雪櫃內解凍
2. 第二天早上把雞胸取出，洗乾淨後抹乾
3. 然後把雞胸拍扁（厚度非常重要！大約是2cm)
4. 加入調味料醃最少30分鐘至1小時（放室溫就好）

5. 在煎鍋加入一茶匙的油，把雞胸放進，大火煎2分鐘，反轉雞胸，大火再煎2分鐘
6. 把火調節至最小，蓋上蓋子，煮2-3分鐘（呢個要自己試一試，因為嗰個人屋企火力唔一樣，一開始試3分鐘先，如果太硬就減時間）

7. 取出雞胸，放在碟中rest 5分鐘
8. 切片即可

這篇文章黃咖喱雞胸最早出現於 Daphne 樂思廚。

鮮蟹肉豆腐煲

Daphne 樂思廚 — Thu, 07 Sep 2023 09:58:40 +0000

大家都知道我鍾意食海鮮！最喜歡就係食蟹，海蟹非常鮮甜，用來煮豆腐撈飯一流！呢度菜式係要花少少時間拆肉，但一啲都唔難整，用來宴客亦都唔失禮，收藏咗佢有需要時用啦！

材料：海蟹兩隻、鹹蛋兩隻、甘筍半條、雞湯250毫升、布包豆腐一塊、蔥花少許（可省）、油適量、花雕酒一瓶蓋、生粉水適量

步驟：
1. 海蟹買回來洗乾淨後反轉隔水蒸16分鐘，放涼後去肉
2. 鹹蛋取鹹蛋黃，蒸10分鐘，取出後壓扁
3. 甘筍去皮後，以磨蓉器磨蓉；布包豆腐切粒

4. 在鑊中先加入適量的油，加入鹹蛋黃炒香（鹹蛋黃呈泡泡的狀態是正常的），加入甘筍炒勻

5. 加入蟹肉炒香一會兒，鑽入花雕酒

6. 加入雞湯煮滾

7. 加入豆腐粒，然後以中小火煮5分鐘，上味加入少許鹽，然後按照喜好加入生粉水
8. 灑上蔥花即可

這篇文章鮮蟹肉豆腐煲最早出現於 Daphne 樂思廚。

台灣牛肉麵

Daphne 樂思廚 — Sat, 02 Sep 2023 12:14:29 +0000

打風前一日傍晚去到街市咩都冇得賣！只係勉強買到少少材料：牛腩邊一斤、紅蘿蔔一個、青瓜同埋一啲生果。

返到屋企之後見到屋企仲有兩個蕃茄、仲有之前買嘅刀削麵，當然仲有唔少嘅香料啦！正統嘅台灣牛肉麵會用牛骨去熬製湯底，打風邊度？仲有牛骨呢就用冰櫃入面之前整定嘅雞湯底啦！簡單版嘅台灣牛肉麵，一樣好食。台灣牛肉麵其實唔難整，不過係需要一啲時間，如果情況許可嘅話，用新鮮牛骨熬湯，再用牛坑腩同埋牛筋來整更加好食（懶嘅就去CC Super買牛湯底啦）

材料：牛腩一斤、甘筍半條（去皮后切件）牛骨湯/雞湯1公升、清水1.5公斤、蕃茄一個（去皮后切件）

頭料：洋蔥半個、蒜頭六至八粒、蔥頭三至四粒、青蔥適量、薑四片

香草包材料：八角三粒、草果兩個、花椒半茶匙、香葉4-5塊、肉桂一至二枝、茴香籽一茶匙（如有茶包的話可放進）

調味料：生抽一湯匙、辣豆瓣醬兩湯匙、花雕酒一瓶蓋、茄膏三湯匙、老抽適量（可省）

其他：冰糖80克（先盅碎）

步驟：
1. 牛腩先以跑活水的方法處理，然後洗乾淨，切成條狀備用

2. 在炒鍋中加入一湯匙的油，先爆香頭料，然後盛起備用

3. 在同一個鍋中放入冰糖，煮糖直至焦糖的狀態（需要用中慢火煮，不能太心急）

焦糖狀態

4. 把牛腩放進炒香，然後加入甘筍及番茄再炒香

5. 在鑊中加入一瓶蓋的花雕紹興酒，然後加入辣豆瓣醬及茄膏，炒香，加入材料中的水及雞湯以及香草材料，以中大火煮滾，然後加入生抽調味

6. 轉小火炆煮40分鐘直至牛腩變林
7. 大約40分鐘的時候可試味，並按需要加入鹽及糖，取出頭料及香草包
8. 測試牛腩是否夠林，增加時間直至牛腩變林

9. 在另一個鍋中煮滾水，把刀削面放進煮大約4分鐘

10. 取出後放在碗中

11. 放上牛腩及醬汁即可

註：把冰糖炒至焦糖色再把牛腩炒香可以增加色澤，但需要留意炒糖時不要使用太高的溫度，否則很容易燶

這篇文章台灣牛肉麵最早出現於 Daphne 樂思廚。

土匪烤脆雞

Daphne 樂思廚 — Sat, 27 May 2023 16:07:53 +0000

土匪雞翼，大家都鍾意食，如果用土匪醃料嚟整土匪雞又點樣呢？材料好簡單只係有一隻雞，但係醃料嘅材料比較多！其實買多啲醃料喺屋企，可以Mix and match整好多唔同嘅菜式出嚟，係一個唔錯嘅idea！土匪烤雞，可以轉做烤雞翼、烤雞髀、烤雞鎚……黑芝麻喺表面，脆卜卜又香又好味！

材料：三黃雞一隻
醃料：：芫荽籽一茶匙、黃薑粉半茶匙、五香粉半茶匙、胡椒粉1/6茶匙、3/4 茶匙孜然粉、生抽兩茶匙、魚露少許、蠔油一茶匙、一瓶蓋紹興酒、老抽少許、麻油一茶匙、糖1/2茶匙

其他：鹽2茶匙、黑芝麻適量

步驟
1. 三黃雞洗乾淨後先用鹽醃最少3小時
2. 把雞背剪開把雞打開成蝴蝶狀

3. 醃料中的芫荽籽先以石盅盅碎

4. 放入其他醃料拌勻然後放在雞中均勻塗上，把雞放雪櫃醃最少三小時
5. 取出雞放在室溫中最少1小時

6. 把雞放在錫紙中，先以180度氣炸32分鐘
7. 除去錫紙，再氣炸6分鐘

8. 在雞皮上加入少許孜然粉及黑芝麻，以200度再氣炸3分鐘即可

這篇文章土匪烤脆雞最早出現於 Daphne 樂思廚。

紅酒燴牛尾

Daphne 樂思廚 — Wed, 24 May 2023 15:31:45 +0000

趕時間既時候，西餐往往係一個好選擇！一鍋過，有肉、有菜又有汁，加個白飯係隔離，懶懶地又一餐！

雖然話懶，但都要好食先得，自己整既紅酒牛尾，用新鮮牛尾又得、急凍又得！用咩酒自已話事，甜d、酸d、汁多d、少d、正爆

材料：牛尾一條（或急凍牛尾兩包）、西芹四條、蕃茄兩個、茄膏半罐、月桂葉六至八塊、洋惹一個、蒜頭5-6粒、中筋麵粉適量、甘筍一條

醬汁材料：紅酒300-400ml、雞湯100-150 ml、冰糖少許、鹽少許、百里香少許（可省）、水適量

步驟
1.牛尾以跑活水的方法處理後洗乾淨

2. 將牛尾的兩邊拍上薄薄的中筋麵粉

3. 所有香草材料切件
4. 在炒鍋中加入少許油，先煎香牛尾的兩邊，然後取出

6. 加入茄膏再炒香，把牛尾回鍋後加入紅酒煮滾

7. 把其他醬汁材料放進

8. 最後加入月桂葉，明火炆1.5小時左右或高速煲炆45分鐘

9. 完成後試味，按喜好加入少許鹽及百里香即成

這篇文章紅酒燴牛尾最早出現於 Daphne 樂思廚。

12345黑醋排骨

Daphne 樂思廚 — Mon, 22 May 2023 16:10:20 +0000

明明今日好忙、明明有啲眼瞓，但係又好想寫食譜喎！咁就寫埋先瞓覺啦！喺中式餐廳成日食到嘅鎮江排骨或者黑醋排骨，其實喺屋企非常容易整！只要記住口訣，12345 +1半，就可以做得到啦！

12345加一半係咩呢？一瓶蓋紹興酒、兩湯匙老抽、三湯匙生抽、四湯匙陳醋或鎮江醋五湯匙水（可按喜好增加）+半塊片糖，用佢炆排骨45分鐘就搞掂啦！係咪聽落去好簡單呢？快啲去睇食譜啦!

材料：一字排骨一斤（一條骨斬開三至四條）、薑兩至三片、蒜頭數粒
醬汁材料：一瓶蓋紹興酒、兩茶匙老抽、三茶匙生抽、四湯匙陳醋或鎮江醋五湯匙水（可按喜好增加）+半塊片糖

1. 一字排骨洗乾淨後放在室溫水中，以跑活水的方法處理後洗乾淨
2. 炒鍋中爆香蒜頭及薑，加入一字排骨煎香，注入一個瓶蓋的紹興酒

3. 加入其他醬汁材料煮滾，以中小火炆45分鐘至1小時
4. 喜歡酸一點的話，可在吃前加入少許陳醋

這篇文章 12345黑醋排骨最早出現於 Daphne 樂思廚。

日本大蔥照燒雞扒

Daphne 樂思廚 — Thu, 18 May 2023 16:03:06 +0000

都話大家鍾意食日本嘢㗎喇！張相一出好多人PM我問我食譜，呢排有少少忙，所以呢排出少咗YouTube嘅食譜，今日見有返啲空隙時間，就整多一次照燒雞扒俾小朋友做午餐，順手拍埋video俾大家，想整既朋友睇食譜啦！

材料：新鮮雞髀兩隻、大蔥半條（切段）
醬汁材料：日本生抽兩湯匙、味醂兩湯匙、清酒三湯匙、老抽少許

步驟：
1. 新鮮雞髀起骨後，以少許鹽醃最少半小時
2. 在雞肉上鎅上淺刀紋目的是使雞扒平整

3. 在雞皮位置插上許多小孔

4. 加熱平底鍋，加入少許油，雞皮下先以中火煎5至6分鐘
5. 反轉雞扒再煎5至6分鐘

6. 取出雞扒後切件
7. 在另一炒鍋中爆香大蔥

8. 加入醬汁材料煮滾
9. 雞扒切件後，加上醬汁即可

這篇文章日本大蔥照燒雞扒最早出現於 Daphne 樂思廚。

Daphne 樂思廚， 作者 Daphne 樂思廚